«Biz oǵan birden kómek kórsete bastadyq. Alǵashqy kómekti Qyzyl Jarty Aı qoǵamynyń eriktileri kórsete bastady, ári qaraı júrek-ókpe reanımasııasy qalalyq jedel járdem stansııasynyń qyzmetkerlerimen birge júrgizildi. Bastapqyda júrek jumysy qalpyna keltirilgen, sınýs yrǵaǵy paıda boldy, 2 mınýttan keıin júrek ustamasy qaıta bastaldy. Reanımasııalyq sharalar 30 mınýtqa sozyldy, onyń ishinde sońǵy 10 mınýt jedel járdemde júrgizildi. Soǵan qaramastan Rústem Sadyqov saǵat 10:15-te qaıtys boldy. Resmı sebebin sot-medısınalyq saraptama júrgizilgennen keıin ǵana ataýǵa bolady», dedi jarystyń bas dárigeri, O. Sahov.
Marqumnyń jaqyndarynyń aıtýynsha, ol júgirý sharasyna birinshi ret qatysyp otyrǵan joq. Ol sáýir aıynda Almaty jartylaı marafonynda, 2021 jyly Almaty marafonynda 10 km qashyqtyqta júgirgen.
Jarysty uıymdastyrýshylar marqumnyń týystary men jaqyndaryna kóńil aıtty.
