Mundaı jaǵdaıda qan ketýdiń, ana men bala óliminiń qaýpi joǵary. Sońǵy ýaqytqa deıin dál mundaı dıagnozdan keıin pasıentter bosanǵannan soń jatyryn alyp tastaıtyn. Biraq 2015 jyldan bastap 3 KQA-nyń akýsherlik blogynda, m.ǵ.k., AMÝ-niń Akýsherııa jáne gınekologııa kafedrasynyń meńgerýshisi Zaıtýna Hamıdýllınanyń jetekshiligimen aǵzany saqtap qalý operasııasynyń tehnıkasy engizildi.
Aıta ketý kerek, mundaı operasııalar búginde álemniń birneshe klınıkasynda ǵana jasalady.
Pasıent júktilik kezinde dıagnozy týraly bilip, 3 KQA-daǵy ortalyqqa júgindi. 34 apta ishinde qan ketken naýqasqa joǵary sanatty akýsher-gınekolog dáriger, PhD doktory Aıgúl Dúısembaeva ota jasady. Dáriger kúni búginge deıin dál osyndaı 15 ota jasaǵan.
Operasııalyq top 3 akýsher-gınekolog, eki ýrolog, eki hırýrg, eki anestezıolog, eki operasııalyq meıirbıkeden quralǵan.
Operasııa 2,5 saǵatqa sozylyp, sátti ótti.
Búgingi tańda ana men balanyń ómirine eshteńe qaýip tónip turǵan joq, ekeýi de otadan keingi erte qalpyna keltirý kezeńinde.
