Sportty damytý dıreksııasynyń málimeti boıynsha atta óner kórsetý baǵdarlamasynda qazaqstandyq Narıman Qurbanov kúmis medal jeńip aldy. Otandasymyz bul jattyǵýda 14.450 upaı jınady. Onyń aldyn Rıs Mak Lenagan (15.100) orap ketse, Qytaı Taıpeıiniń ókili Shao Iý Iаn (14.350 upaı) qola medalǵa qol jetkizdi.
Jalpy, bıylǵy Álem kýbogi 6 kezeńnen turady. Qalǵan jarystar 26 qyrkúıek pen 2 qazan aralyǵynda Majarstannyń Sombatheı qalasy men 7-9 qazanda Túrkııanyń Mersın qalasynda ótedi. Keıinnen álemniń tańdaýly atletteri 29 qazanda Anglııanyń Lıverpýlinde bastalatyn álem chempıonatyna daıyndalady.
