Sındzo Abe 2012 jyldan 2020 jylǵa deıin Japonııa tarıhyndaǵy eń uzaq qyzmet etken premer-mınıstr. Ol bıylǵy shildede kisi qolynan qaza tapty.
Japonııanyń burynǵy premer-mınıstrin jerleý rásimi 12 shilde kúni otbasy jáne jaqyn dostarynyń qatysýymen Tokıoda ótken. Sodan keıin úkimet basyndaǵylar memlekettik jerleý rásimin uıymdastyrý týraly bastama kóterdi. Memlekettik rásim búgin, seısenbide, Chııoda aýdanyndaǵy «Nıppon Býdokanda» arenasynda uıymdastyryldy. Oǵan Japonııa men basqa elderden 4000-ǵa jýyq sheneýnik qatysty. Saltanatty rásimge ımperator Narýhıto men Masako keldi.
Jerleý rásimine barlyǵy 27 el men halyqaralyq uıymdardan 700 delegasııa qatysqan. Olardyń arasynda QR Premer-mınıstriniń orynbasary – Syrtqy ister mınıstri Muhtar Tileýberdi de bar.
