Jańartylatyn energııa kózderi sektoryn damytý, sondaı-aq osy baǵytta áıelderge teń jaǵdaılar men múmkindikter jasaý úshin Eýropalyq qaıta qurý jáne damý bankiniń qoldaýymen Qazaqstanda tıisti baǵdarlama iske qosyldy. Bul kóptegen joba men is-sharany júzege asyrýdy qamtıdy. Osylaısha, jas mamandarǵa tálimgerlik júıesi engizilip, alynǵan akademııalyq bilimderin maman qyzmetkerlerdiń jetekshiligimen JEK jumys istep turǵan nysandarynda qoldanýǵa múmkindikter ashyldy, halyqaralyq tájirıbe negizinde jastarǵa kásiptik baǵdar berý júıesi engizilýde.
«Biz jurtshylyqqa Elektrondyq eńbek bırjasynda jańartylatyn energııa sektoryndaǵy múmkindikter týraly arnaıy betti usynýǵa qýanyshtymyz. Jańa kásipter men quzyretter atlasynda atap ótilgendeı, aldaǵy jyldarda Qazaqstanǵa osy salanyń mamandary kóbirek qajet bolady. Elde jańartylatyn energııa kózderine arnalǵan quramdas bólikterdi jobalaý, óndirý, sondaı-aq olardy salý, tehnıkalyq qyzmet kórsetý jáne basqarýmen baılanysty kásipter damıtyn bolady. Salanyń damýy turaqty jáne ınklıýzıvti jolmen júrýi kerek, ony biz usynylǵan bet arqyly alǵa jyljytýǵa tyrystyq», dedi «Eńbek resýrstaryn damytý ortalyǵy» AQ prezıdenti Dáýlet Arǵandyqov.
JEK sektorynda jumysqa tartylýy múmkin jastardy qamtýdy keńeıtý, olarǵa mansaptyq keleshegin aıqyn kórsetý, jumys berýshi mamandarǵa qyzyǵýshylyq tanytatyn daǵdylar týraly habardar etý maqsatynda EEB boıynsha arnaıy bólim quryldy. Ol Eýropalyq qaıta qurý jáne damý banki baǵdarlamasynyń qoldaýymen «Eńbek resýrstaryn damytý ortalyǵy» AQ men Ernst & Young kompanııalar tobynyń birlesken jumysy aıasynda, sondaı-aq Jasyl klımattyq qormen birlesip júzege asyryldy.
