Qoı eshki emes, al eshkiniń analyǵy ekeýden, úsheýden taba beredi. Biraq, tórt laqty eshki de óte sırek týady. Alaıda, jaratylys bereıin dese shekten tys myrzalyq tanytatyny bul joly taǵy da tolyǵymen dáleldendi. Shalǵaıdaǵy Jańaqala aýdanynyń turǵyndary erli-zaıypty Bektemir men Sveta Bekqalıevterdiń jeke ıeligindegi saýlyqtyń biri birden tórt qozy tapty.
Asyl tuqymdy edilbaı qoıy negizinen bir qozy týatyny seleksııalyq tájirıbeden jaqsy belgili. Osyǵan qaramastan, bıyl tórt qozy týǵan saýlyq sońǵy eki jyl qatarynan úsheýden tóldepti. Alaıda, qaqaǵan qysta tóldegendikten, názik, qyzylshaqa qozylar ólip qala beredi eken. Al bıylǵy tórt qozy oınaqtap, qoń jınap keledi.
Tańsyqty kórmek úshin izdep elge barǵanda, qoı óristen kelip jatyr eken. Saýlyqty bólektegen úı ıesi analyqtyń janyna tórt qozysyn qatar jiberdi. «Qoı súıedi balasyn qońyrym dep...» aýyz ádebıetinde aıtylǵandaı, analyq qoı tórt tóline qatar emirenedi. Qozylar bolsa, talasa-tarmasa anasynyń emshegin sorǵylaýǵa kiristi.
– Mundaı jaǵdaıda saýlyq súti birine kóp, birine artyq ketýi múmkin. Sondyqtan qozylardy ekeýden shyǵaryp, kezekpen emizýdi qajet dep taýyp otyrmyz. Ári qosymsha sút beremiz, – deıdi úı ıeleri.
Batys Qazaqstan oblysy,
Jańaqala aýdany.
Sýrette: edilbaı qoıy tórt qozysymen.
Asyl tuqymdy edilbaı qoıy negizinen bir qozy týatyny seleksııalyq tájirıbeden jaqsy belgili. Osyǵan qaramastan, bıyl tórt qozy týǵan saýlyq sońǵy eki jyl qatarynan úsheýden tóldepti. Alaıda, qaqaǵan qysta tóldegendikten, názik, qyzylshaqa qozylar ólip qala beredi eken. Al bıylǵy tórt qozy oınaqtap, qoń jınap keledi.
Tańsyqty kórmek úshin izdep elge barǵanda, qoı óristen kelip jatyr eken. Saýlyqty bólektegen úı ıesi analyqtyń janyna tórt qozysyn qatar jiberdi. «Qoı súıedi balasyn qońyrym dep...» aýyz ádebıetinde aıtylǵandaı, analyq qoı tórt tóline qatar emirenedi. Qozylar bolsa, talasa-tarmasa anasynyń emshegin sorǵylaýǵa kiristi.
– Mundaı jaǵdaıda saýlyq súti birine kóp, birine artyq ketýi múmkin. Sondyqtan qozylardy ekeýden shyǵaryp, kezekpen emizýdi qajet dep taýyp otyrmyz. Ári qosymsha sút beremiz, – deıdi úı ıeleri.
Batys Qazaqstan oblysy,
Jańaqala aýdany.
Sýrette: edilbaı qoıy tórt qozysymen.
