Jaýapkershilik júktegen Joldaý

Shynynda da, Qasym-Jomart Toqaev atap ótken­deı, mek­tepke deıingi tárbıe ju­mysy basty nazar­da bolýy kerek. «Alaıda bizde ekiden al­ty jasqa deıingi bala­lar­dyń jar­tysynan astamy ǵana bala­­baq­shaǵa barady. Mundaı olqy­lyqqa jol berýge bolmaıdy. Bala­lar­dy bala­baqshamen qam­­ta­ma­syz etý máse­le­sin túp­­­kilik­ti sheshý qajet. Oǵan qo­­sa, tárbıeshilerdiń áleý­­met­­­­tik már­tebesin artty­ryp, jal­aqy­­syn kóbeı­tý kerek. Osy saladaǵy maman­darǵa qoıy­­latyn naqty talaptar beki­­­tilýge tıis. Olardyń ju­­mys júk­te­mesin de bir­tin­dep azaıt­qan jón. О́z isine adal ustazdar bi­lim berý sa­la­sy­nyń damýyna zor úles qosa­dy. Son­dyqtan bala­baq­shany emes, tár­bıe­shini at­­tes­­tattaý qajet», dedi Prezıdent.

Memleket basshysynyń aıt­qan­dary kópshiliktiń kó­ke­ıinde júrgen dú­nıe edi. Son­dyqtan muny biz, bala­baq­sha tár­bıe­shileri jaqsy qabyl­da­dyq. Son­daı-aq Prezıdent osy arqyly tár­bıe­shilerge júk­teletin jaýap­ker­shilik­tiń qanshalyqty zor ekenin de ańǵartty.

Jalpy, qazirgi zaman aǵymy tárbıeshilerden jan-jaqtylyqty talap etedi. Bilimi men biliktiligin únemi jetildirip otyrmasa, báseke­ge qabilettiligi tómendeıdi. Ras, soń­ǵy ýaqytta áleýmettik jeliler­den balabaqshalarda bala­lardy uryp-soǵý oqıǵa­laryn baıqap qa­lyp júrmiz. Qoǵamdaǵy qyzý tal­qy­­la­natyn taqyryptardyń da biri­­ne aınalyp barady. Osyndaı ke­leń­sizdikterdi boldyrmas úshin tár­bıeshige artylatyn jaýapker­shilikti arttyrý kerek. Sondyqtan tár­bıe­shini attestattaý – oryndy qadam.

Infografıkany jasaǵan Amangeldi Qııas, «EQ»

Oqý-aǵartý mınıstrligi kelesi jyldan bastap Pre­zıdent tapsyr­masy boıynsha balabaqsha tárbıe­shileri­niń, mektepter men kolledj muǵalimderiniń, sondaı-aq qosymsha bilim berý júıesi mamandarynyń jalaqysy 25 paıyzǵa ósetinin habarlady. Sondaı-aq balabaqsha tárbıeshileri toltyrýǵa min­det­ti qujat­tardyń sany azaıa­tyny týraly da aıtyl­dy. Bizdińshe, mun­daı jańa­shyl­dyqtardyń bári tárbıe­shiler­diń jumysyna oń áser etedi.

Buǵan deıin Joldaý sekil­di irgeli stra­tegııalyq qujat­tarda balabaqshaǵa qatysty dúnıeler jalpylama ǵana aıtylatyn. Bul joly naqty tapsyrmalar berildi. Sondyqtan aldaǵy kúnnen úlken úmit kútip otyrǵan jaıymyz bar.

Sholpan RAHIMOVA,

№23 mektepke deıingi gımnazııa tárbıeshisi

EKIBASTUZ