Olardyń aǵasy Bólekbaı – aǵash sheberi. Qýanyshqalıevter otbasyna ulttyq qolónerge beıimdilik ata-anasynan daryǵan eken. Qazir olar memleketten grant alyp, umyt bola bastaǵan ulttyq qundylyqtardy qaıta jańǵyrtýǵa bel sheshe kirisken.
– Bizdiń anamyz qolónerdiń sheberi bolatyn. Tekemet basyp, terme alasha men kıimder toqıtyn edi. Anamyzdyń bul ónerin bizge apaıymyz Zoıa úıretip júr. Onyń maqsaty – ájelerimizden búginge jetken asyl ónerdi, ulttyq qundylyǵymyzdy dáripteý. Sińilim Raıa – tiginshi. Ulttyq naqyshpen perdeler tigedi, qolónerdi jaqsy kóredi. Ákemizdiń aǵashtan túıin túıgen sheberligi uldarǵa juǵysty boldy. Mal sharýashylyǵymen aınalysqan ákemiz aǵashtan túrli buıym jasaýshy edi. Endi onyń osy isin aǵamyz Bólekbaı jalǵastyryp keledi, – deıdi Zına Qýanyshqalıeva.
Qolóner sheberiniń aıtýynsha, qazir kıizden jasalǵan buıymdarǵa suranys arta túsken. Zına Qýanyshqalıevanyń kúıeýi Asylbek Rahmetov te – aǵash sheberi. Aıalap ósirgen qyzdary – Aıdana men Aıagózdiń de ańsary ulttyq qundylyqty áspetteýge aýyp otyr. Qazir olar is tigedi, qolóner buıymdaryn jasaıdy.
Atyraý oblysy
