Almaty oblysy Ile aýdanyndaǵy úılerdiń birinde qylmystyq is qozǵaldy.
«Erli-zaıyptydan 2 keliden astam untaq zat, 7 lıtr suıyqtyq quıylǵan ydys, kanıstrlerde 40 lıtrge jýyq hımııalyq zattar, sondaı-aq jalǵa alǵan úılerinen 7 kelige jýyq esirtki zaty, jáne mefedrondy óndirýge paıdalanǵan qural-jabdyqtar men ósimdik butalary tabyldy. Ustalǵandardyń aıtýynsha, «jumys berýshi» sıntetıkalyq esirtkiniń ár 1 kelisine 1 mıllıon teńge kóleminde syıaqy berýge ýáde etken», dedi Almaty qalalyq IID esirtki qylmysyna qarsy kúres basqarmasynyń bastyǵy Erlan Álmaǵambetov.
Atalǵan fakti QR Qylmystyq kodeksiniń 297-babynyń 1-bóligi boıynsha sotqa deıingi tergep-tekserýdiń biryńǵaı tizilimine tirkeldi. Aıǵaqty zattar tárkilenip, sot-hımııalyq saraptamaǵa jiberildi.
