Monetalardyń satylymǵa túsetin kúnine qatysty aqparat Ulttyq banktiń resmı saıtynda qosymsha habarlanady. Kolleksııalyq monetalar qazaq jazýshysy, ádebıettanýshy ǵalym, dramatýrg Muhtar Áýezovtiń týǵanyna 125 jyl tolýyna arnalǵan.
Nomınaly 500 teńgelik monetalarǵa toqtalsaq, kúmis monetanyń sapasy – proof, massasy – 24 gramm, dıametri – 37 mm, taralymy – 2 myń dana
Al nomınaly 100 teńgelik monetalarǵa kelsek, melhıor qospasynan daıyndalǵan monetanyń sapasy – brilliant uncirculated, massasy – 15 gramm, dıametri – 33 mm, taralymy – 20 myń dana.
Kolleksııalyq monetalar Qazaqstan Respýblıkasy aýmaǵynda óziniń belgilengen qunyna saı tólemniń barlyq túri boıynsha qabyldanýǵa, elimizdegi bankterde shotqa esepke alynýǵa, aýdarylýǵa, usaqtalýǵa jáne aıyrbastalýǵa jatady.
Kúmisten jasalǵan monetalar memlekettik tilde, orys jáne aǵylshyn tilderinde Ulttyq banktiń nómirli sapa sertıfıkaty bar kádesyı oramynda bolady. Melhıor qospasynan jasalǵan monetalar jeke blısterlik oramda shyǵarylady.
Kolleksııalyq monetalar Qazaqstan teńge saraıynda daıyndaldy.
