Bul jaǵdaıǵa jaqynda oblystyń Eńbekshiqazaq, Ile, Qarasaı, Talǵar aýdandary men Qonaev qalasyndaǵy birneshe mektepterdegi ashanalardyń jumysyn tesergen máslıhat depýttarynyń ózderi kýá boldy.
– Oqýshynyń bir kúndik ystyq tamaqpen qamtylý quny 500 teńge kóleminde. Buǵan muqtaj otbasynyń balalary úshin ashanany jalǵa alýshynyń esebinen tegin tamaq uıymdastyrylady. Búginde balalardy ystyq tamaqpen qamtý máselesinde birqatar másele týyndap otyrǵanyn jasyrmaý kerek. Osy máseleni sheshý úshin bilim berý oryndaryna máslıhattyń arnaıy komıssııasyn shaqyryp, jaǵdaıdy tanystyryp turamyz, – deıdi Almaty oblysy bilim basqarmasynyń basshysy Saltanat Bespaeva.
Balalardyń durys tamaqtanbaýy saldarynan somatıkalyq aýrýlardyń úlesi artyp keledi. Oblystyq epıdemıologııalyq baqylaý departamentiniń ınfeksııalardy baqylaý bóliminiń basshysy Indıra Kúnbasovanyń aıtýynsha, oblystaǵy oqýshylar arasynda anemııa, gastrıt jáne dýodenıt, asqazannyń fýnksıonaldyq buzylýy, as qorytý júıesiniń aýrýlary sııaqty dertke shaldyqqandar kóbeıgen.
Almaty oblysy
