Vedomstvo men enshiles uıymdardyń ókilderi oblystyń shalǵaı aýdandaryn aralap Shal aqyn men Tımırıazev aýdandarynda halyqpen, jastarmen, eńbek ujymdarymen, jumyspen qamtý jáne halyqqa qyzmet kórsetý ortalyqtarynyń qyzmetkerlerimen, aýyldyq okrýgterdiń ákimderimen jáne máslıhat depýtattarymen kezdesýler ótkizdi.
Tyńdaýshylar aldynda sóz sóılegen mobıldi toptyń jetekshisi – Eńbekti qorǵaý jónindegi ǵylymı-zertteý ınstıtýty bas dırektorynyń orynbasary Álimjan Bekmaǵambetov Áleýmettik kodekstiń negizgi normalary týraly aıtyp, Otbasynyń sıfrlyq kartasyn engizýge nazar aýdardy.
«1 qyrkúıekten bastap Qazaqstanda áleýmettik-eńbek salasyndaǵy 5 qyzmet boıynsha qanatqaqty rejimde Áleýmettik kodekstiń quramdas bóligi bolyp sanalatyn Otbasynyń sıfrlyq kartasy iske qosyldy. Bul – azamattardy tıisti organdarǵa júginý qajettiliginsiz, proaktıvti formatta usyna otyryp, kepildendirilgen memlekettik qoldaýdyń qandaı da bir túrin alý quqyǵynyń týyndaǵany týraly habardar etetin «elektrondyq habarlaýshynyń» bir túri. Memlekettik organdardyń aqparattyq júıeleriniń derekteri negizinde sıfrlyq kartada 6 mln otbasy jáne olardyń 19 mln múshesi týraly aqparat jınaqtalǵan. Otbasynyń sıfrlyq kartasy arqyly proaktıvti formatta memlekettik qoldaý sharalary 5 myń azamatqa taǵaıyndaldy», dedi Álimjan Bekmaǵambetov.
Sondaı-aq ol jyl sońyna deıin kórsetiletin qyzmetter tizbesi keńeıtilip, 2025 jylǵa qaraı sıfrlyq karta áleýmettik saladaǵy, densaýlyq saqtaý men bilim berýdegi memlekettik kepildikterdiń barlyq túrin qamtıtynyn qosty.
Sonymen qatar Soltústik Qazaqstan oblysynyń turǵyndarymen kezdesý barysynda mobıldi top músheleri Joldaýdyń jáne Áleýmettik kodekstiń basqa da mańyzdy baǵyttaryn júzege asyrý týraly aıtyp berdi. Atap aıtqanda, memlekettik járdemaqy men bala kútimi boıynsha áleýmettik tólemderdi tóleý merzimin ulǵaıtý, ETJ ulǵaıtý, Elektrondyq eńbek bırjasy bazasynda sıfrlyq ekojúıeni qalyptastyrý, jumyspen qamtý salasyndaǵy jańa saıasat, jańa kóshi-qon saıasaty, oqytý júıesin damytý jáne kásibı daǵdylardy sertıfıkattaý, arnaýly áleýmettik qyzmetter júıesin jańǵyrtý, zeınetaqy tólemderin arttyrý jáne t.b.
