Hımııa ónerkásibi basqarmasynyń basshysy Laýra О́temuratovanyń aıtýynsha, búginde naryqta beıorganıkalyq tyńaıtqyshtardyń 9 túri qoldanylady. Olardyń qatarynda joǵary suranysqa ıe tyńaıtqyshtardyń 5 túri bar, ıaǵnı selıtra (azotty), MAF/DAF nemese ammofos (eki komponentti), ammonıı sýlfaty (azotty), karbamıd (azotty), NPK nemese kúrdeli (úsh komponentti).
Aýyl sharýashylyǵy mınıstrliginiń derekteri boıynsha, 2023 jylǵa arnalǵan josparly qajettilik 703 myń tonnany quraıdy. Bul ótken jylmen salystyrǵanda 100 myń tonnaǵa artyq (2021 jyly – 604 myń).
Qazirgi ýaqytta naryqtyń jartysyna jýyǵy ımporttalǵan tyńaıtqyshtarǵa táýeldi. Bul máseleni sheshý úshin birneshe iri ınvestısııalyq jobalardy iske asyrý josparlanǵan.
«QazAzot» AQ 2026 jylǵa qaraı ammıak-karbamıd keshenin salýdy josparlap otyr. Zaýyttyń qýattylyǵy – 500 myń tonna ammıak, 500 myń tonna selıtra, 500 myń karbamıd. Osylaısha, 2028 jylǵa qaraı tolyq qýatqa shyqqan kezde selıtrany óndirý kólemi jylyna 900 myń tonnaǵa deıin artady. Sondaı-aq ishki naryqtyń karbamıdke degen qajettiligin tolyǵymen jabamyz», dep atap ótti Laýra О́temuratova.
Budan bólek, aǵymdaǵy jyldyń naýryz aıynda «Qazfosfat» JShS men «Ýralhım» BHK» AQ (RF) arasynda suranysqa ıe tyńaıtqyshtardy óndirýge baǵyttalǵan jobalardy birlesip iske asyrý boıynsha memorandýmǵa qol qoıyldy. Osylaısha, ammıak jáne keshendi tyńaıtqyshtar óndirisi boıynsha birlesken jobany iske asyrý kózdelip otyr.
