О́zge tildiń bárin bil…

Tórt jyldan beri Shymyr aýy­lyndaǵy Mánshúk Mámetova atyndaǵy orta mekteptiń oqý­shy­laryna aptasyna eki ret aǵyl­shyn tili oqytylatyn English club áleýmettik jobasy uıym­das­ty­ry­lyp keledi. Búginde jobany 10 E synyp oqýshylary sátti júrgizip ja­tyr. Oqytý oıyn jáne jattyǵý túrinde ótýde.

English club jobasy aýyl oqýshylarynyń bilim olqy­lyq­ta­ryn toltyrýǵa, tildik kedergini jeńýge kómektesedi jáne shet til­de­rin odan ári oqýǵa yntalandyra­dy», deıdi joba úılestirýshisi, 10-synyp oqýshysy Mádına Shahanova.

M.Mámetova atyndaǵy orta mek­teptiń 8-synyp oqýshysy Aızere Ǵızat aǵylshyn tili saba­ǵy­na ekinshi jyl qatysyp keledi. Osy ýaqyt ishinde ol qarapaıym bilimdi ǵana emes, mátinderdi óz betimen jazýdy da úırendi. Bul ol úshin úlken qadam.

«Joba arqyly qajetti bilim alýǵa múmkindik aldyq. Jasy­ra­ty­ny joq, aǵylshyn tilin bilý elimizdegi jáne álemniń úzdik ýnı­ve­r­sıtetterine jol ashady», deıdi Aızere.

Bıylǵy oqý jylynda English club jobasyna Shymyr aýyl­dyq mektebinen 40 oqýshy qaty­sa­dy. Búginde alǵashqy sabaqtar ótti, aldaǵy ýaqytta qyzyqty, ta­nym­dyq, eń bastysy qajet aǵyl­shyn tili sabaqtary óz jalǵasyn tabady. Aıta keteıik, 2018 jyly Taldyqorǵan qalasyndaǵy Nazar­baev zıtıakerlik mektebi men Shy­myr aýylyndaǵy M.Mámetova atyn­­daǵy orta mektep arasynda ózara yntymaqtastyq týraly me­mo­randýmǵa qol qoıylǵan bola­tyn.

Jetisý oblysy