Qor sarapshylary monıtorıngti qalaı júrgizedi jáne medısınalyq kómek sapasyn monıtorıngteý qorytyndysy boıynsha ne anyqtaldy? Medısınalyq uıymdar kóbinese qandaı kemshilikterge jol beredi? «Áleýmettik medısınalyq saqtandyrý qory» KeAQ elorda fılıaly baspasóz qyzmetiniń habarlaýynsha, turǵyndar kóbine medısınalyq qyzmet sapasyna, qyzmetterdi kóp kútý jaǵdaılaryna, konsýltatıvtik-dıagnostıkalyq qyzmetterdiń qoljetimsizdigine (qural-jabdyqtardyń bolmaýy, kezekti kóp kútý, joldama bermeý, kadr jetispeý), medısınalyq kómek kórsetýden, aýrýhanaǵa jatqyzýdan bas tartý, t.b. shaǵymdanady. Olardyń kópshiligi, turǵyndarǵa medısınalyq kómek kórsetýdi durys uıymdastyrýǵa qatysty, ıaǵnı sol jerde medısına uıymdarynda sheshimin tabýy tıis máseleler.
Prosesterdi sıfrlandyrý adam faktorynyń yqpalyn barynsha azaıtady, jumysyn durys atqarmaıtyn qyzmet jetkizýshilerdiń jalǵan jazba toltyryp, kózboıaýshylyq jasaýyna múmkindik bere qoımaıdy. О́ıtkeni IT quraldaryn qoldaný medısınalyq uıym tarapynan árbir qadamdy, pasıentke qatysty árbir áreketti qaǵaz betine shyqpaı-aq elektrondy formatta qadaǵalaýǵa múmkindik beredi. Engizilgen aqparattyń durystyǵyn tekseretin formatty-logıkalyq baqylaýlar Qor sarapshylaryna kómekke keledi. Oryn alǵan kemshilikter sarapshylar tarapynan rastalǵannan keıin (nemese qabyldanbaǵannan keıin) ǵana medısınalyq uıymdarǵa aqy tólenedi.
Búginde qor medısınalyq kómektiń sapasyn baǵalaý monıtorınginiń ár túrin, qajet bolsa medısınalyq uıymdarǵa bara otyryp, aǵymdaǵy nemese josparly, maqsatty, proaktıvti jáne jospardan tys monıtorıng júrgizedi. Nazar aýdaratyn dúnıe, jospardan tys monıtorıng keri baılanystyń resmı arnalary arqyly pasıentterdiń ózderinen túsken shaǵymdar men ótinishter negizinde ǵana júrgiziledi. Árbir osyndaı suraýdy qor sarapshylary pasıenttiń tarıhyn tolyq taldaı otyryp jáne oǵan usynylatyn medısınalyq kómektiń sapasyn baǵalaı otyryp, jeke tártippen qarap, pysyqtaıdy. Eger shaǵym negizdiligi dáleldense jáne medısınalyq uıym tarapynan burmalaýshylyqtar anyqtalsa, qor ekonomıkalyq yqpal etý sharalaryn qoldanady.
Astana qalasy boıynsha 2022 jyldyń 6 aıynda kórsetilgen medısınalyq qyzmet sapasy men kólemine júrgizilgen túrli monıtorıngter aıasynda 30 938 kemshilik (defekt) anyqtalyp, 778 mln 861 myń teńge alyndy. Onyń ishinde, tegin medısınalyq kepildendirilgen kómek kólemi (TMKKK) aıasynda 429 mln 570 myń teńge somasyna 3 980 kemshilik anyqtaldy. Mindetti áleýmettik medısınalyq saqtandyrý júıesinde 349 mln 291 myń teńge somasyna 26 796 kemshilik anyqtaldy.
Sondaı-aq qordyń Astana qalasy boıynsha fılıalynyń medısınalyq qyzmet sapasy men kólemin monıtorıngileý bólimi jospardan tys monıtorıng boıynsha 106 qorytyndy jasady, onyń 17-si negizdi shaǵym ekeni dáleldendi. Jospardan tys tekseris nátıjesinde alynǵan soma 7 mln 379 myń teńgeni qurady.
Aqparattyq júıelerden alynǵan málimetter boıynsha, josparly emdeýge jatqyzýdy kútý merzimi boıynsha ótken jyldyń sáıkes kezeńimen salystyrǵanda 1,5%-ǵa óskeni baıqalady.
О́tken jylmen salystyrǵanda, 2022 jyly ota jasaý kórsetkishi 9,8%-ǵa ósti. Tek joǵary tehnologııalyq medısınalyq kómek qoldaný arqyly MÁMS boıynsha 10,2 mlrd teńge somasyna qosymsha 3 888 qyzmet kórsetildi. Kardıologııa boıynsha 1 218 pasıent emdelgen, kardıohırýrgııalyq operasııa 649 pasıentke jasalsa (qan aınalymy júıesi aýrýlary – 1 060), 223 adamǵa neırohırýrgııalyq operasııa, 92 pasıentke ortopedııalyq, nesep-jynys júıesi aýrýlary – 977, al 217 pasıentke as qorytý syrqattary boıynsha operasııa jasaldy.
Barlyǵy 28 972 pasıentke em júrgizilgen, onyń ishinde bir jasqa deıingi balalar – 7 453, 1-14 jastaǵy balalar – 19 622, 15-17 jas aralyǵyndaǵy jasóspirimder – 1 697. 172 balaǵa joǵary tehnologııalyq medısınalyq kómek kórsetip, stasıonarda emdeldi.
0-28 kúndik 3 194 nárestege 1 mlrd 414 myń teńge somasyna medısınalyq kómek kórsetildi, onyń ishinde 171 balaǵa 241 mln 591 myń teńge somasyna, onyń ishinde 24 balaǵa 68 mln 125 myń teńge somasyna joǵary tehnologııalyq medısınalyq kómek arqyly júrekke operasııa jasalyp, ońaltýdyń birinshi satysynan ótken. 17 balaǵa arnaıy medısınalyq kómek arqyly 31 mln 725 myń teńge somasyna operasııa jasaldy.
«Bizdiń sarapshylar medısınalyq qyzmettiń qoljetimdi bolýy jáne sapasynyń jaqsarýy úshin, ıaǵnı pasıent quqyǵy saqtalýy úshin turaqty jumys júrgizedi. Qormen TMKKK sheńberinde jáne MÁMS júıesinde medısınalyq qyzmetter kórsetýge shart jasaı otyryp, medısınalyq uıym halyqqa sapaly medısınalyq kómek kórsetý jáne onyń qoljetimdiligin qamtamasyz etý úshin jaýapkershilikti ózine alady. Jetkizýshige qoıylatyn bul talaptar shartta jeke tarmaqpen belgilengen jáne olardyń oryndalýy qor tarapynan baqylanady», dep atap ótti Medısınalyq saqtandyrý qorynyń elorda fılıalynyń dırektory N.Qabdyqaparov.
