Bul esim jankúıerlerge jaqsy tanys. Sergeı Prokopevıch 1938 jyldyń 6 qazanynda О́skemende týyp-ósti. Ol otbasyndaǵy 12-perzent edi. Bozbala shaǵynan fýtbolǵa qyzyqqan Kvochkınniń juldyzdy sátteri «Qaıratta» ótti. 1959-1969 jyldar aralyǵynda almatylyq klýbtyń sapynda 292 ret jasyl alańǵa shyqqan shabýylshy qarsylastary qaqpasyn 74 márte dál kózdedi. Bul – sol kezdegi qazaqstandyq fýtbolshylar arasyndaǵy eń úzdik kórsetkish edi. Sergeı 1962 jyly KSRO klýbtary quramy sapynda Ońtústik Amerıkada ótken joldastyq kezdesýlerge qatysty. Sol kezde ol Rıo-de-Janeırodaǵy áıgili «Marakana» stadıonynda Brazılııanyń olımpıadalyq komandasynyń qaqpasyna jeńis golyn soqty.
Úlken sporttan qol úzgennen keıin Sergeı Kvochkın Qazaqstannyń birqatar klýbyn jattyqtyrdy. Ol 2009 jyldyń 29 jeltoqsanynda 70 jasqa qaraǵan shaǵynda qaıtys boldy.
