Vedomstvo málimetinshe, órt búgin tańerteń saǵat 7.52-de tirkelgen.
«30 qyrkúıekte saǵat 7.52-de óńirdegi departamenttiń órt sóndirý jáne avarııalyq-qutqarý jumystary qyzmetiniń kúshteri men quraldaryn jedel basqarý ortalyǵynyń 101 telefonyna Taraz qalasy Mámbet batyr kóshesindegi «Bereke» bazarynyń ashanasy men saýda dúńgirshekterinde órt shyqqandyǵy týraly habarlama tústi. Oqıǵa ornyna joǵary shaqyrtý boıynsha departament bólimsheleriniń kúshteri men quraldary, atap aıtqanda 56 qyzmetker jáne 13 tehnıka shyqty», delingen habarlamada.
Belgili bolǵandaı, órt saǵat 8.30-da oqshaýlanǵan, órtti joıý jumystary áli de jalǵasýda. Oqıǵa saldarynan qaza bolǵandar men zardap shekkender joq. Qazir órttiń sebebi anyqtalyp jatyr.
