– Bıyl oblys ákiminiń bilim granty 107 túlekke berildi. Ákim grantyn ıelengenderdiń deni – bolashaq muǵalimder men dárigerler. Olardyń ishinde 32 túlek M.Ospanov atyndaǵy Batys Qazaqstan memlekettik medısınalyq ýnıversıtetine, 19 óren S.Asfendııarov atyndaǵy Qazaq ulttyq medısına ýnıversıtetine oqýǵa tústi. Al T.Júrgenov atyndaǵy Qazaq ulttyq óner akademııasyna bilim alý grantyna 5 jas ıe boldy, 9 jas «Nur-Múbarak» Egıpet ıslam mádenıeti ýnıversıtetine, 40 túlek H.Dosmuhamedov atyndaǵy Atyraý ýnıversıtetine, 1 túlek M.О́temisov atyndaǵy Batys Qazaqstan memlekettik ýnıversıtetine, taǵy biri Qazaq ulttyq qyzdar pedagogıkalyq ýnıversıtetine oqýǵa qabyldandy, – deıdi A.Dúısekenova.
Ákim grantyn ıelenbese de óz bilimimen sheteldegi úzdik oqý ornyna oqýǵa qabyldanǵandar bar. Máselen, Atyraý qalasyndaǵy Bilim-ınnovasııa lıseı-ınternatynyń bıylǵy túlegi Rızabek Alpamys UBT-dan 132 ball jınaǵan edi. Ol Ońtústik Koreıadaǵy Ulsan National Institute of Science and Technology (UNIST) joǵary oqý ornyna oqýǵa tústi. О́ıtkeni talapty jas atalǵan eldiń ǵylymı-zertteý jáne tehnologııa ýnıversıteti men Gonkongtaǵy ǵylym jáne tehnologııalar ýnıversıtetinen oqýǵa shaqyrtý alǵan.
Byltyr Rızabek Alpamys Eýropalyq fızıka olımpıadasynan kúmis, bıyl Azııa olımpıadasynan qola medaldy qorjynyna basty. Al 2021-2022 jyldary halyqaralyq fızıka olımpıadasynan eki márte kúmis medal, bıyl O.Jáýtikov atyndaǵy halyqaralyq olımpıadadan altyn medal ıemdengen.
– Meniń alǵa qoıǵan maqsatym bar. Bul – jańa tehnologııalardy oılap tabýǵa úlesimdi qosý. Qazaqstandaǵy ǵylym men tehnıka salasyn damytýǵa atsalysýdy kózdep júrmin. Sol sebepten, bos ýaqytymda túrli baǵdarlamany qurastyrǵandy, fýtbol oınaǵandy jaqsy kóremin. Biraq ýaqytymnyń kóbin ǵylymmen aınalysýǵa arnaımyn, – deıdi ol.
Ońtústik Koreıadaǵy oqý ordasy bilim deńgeıi boıynsha álemdegi eń úzdik 200 ýnıversıtettiń qataryna kiredi. Endi bul oqý ornynda Rızabek Alpamyspen birge halyqaralyq dodalardyń úzdigi atanǵan atyraýlyq úsh óren birge bilim alady. Olar – Nurdáýlet Hajenov, Ádil Sultanov, Ádilet Zaýythan.
Atyraý oblysy
