Otandy súıý – eńbekten

«Otandy súıý osyndaı adal eńbekten, paıdaly jumystan bastalady. Elimizdiń árbir azamaty eńbekqor bolýy kerek. Barshańyzdy qol­daımyn, maqtan tutamyn. О́skeleń urpaq – bizdiń úmitimiz, elimiz­diń bolashaǵy. Biz ardager bolyp máńgi bılikte otyrmaımyz. Meniń eń úlken maqsatym – jastarǵa jol berý», dedi Prezıdent Túrkistan jastaryna. Búginde Memleket basshysynyń osy bir ósıetti sózderi bizdiń ýnıversıtet stýdentteri arasynda jıi qaıtalanyp aıtylýda. Iаǵnı Otandy súıý adal eńbekten bastalatyny jastar jadynda jat­talyp qaldy.

Kúlli túrki halyqtaryna ortaq, álemge áıgili ǵulama, fılo­sof Qoja Ahmet Iаsaýı ómir súrgen túrki áleminiń birligi men ynty­maq­tas­tyǵynyń belgisi jáne ýnıver­sıtetimiz ornalasqan Túrkistan qalasy Túrki áleminiń rýhanı asta­na­larynyń biri bolyp sanalady. Bul oraıda Memleket basshysy kıeli jerge keshegi saparynda qazaq jylnamasyna altyn árippen jazyl­ǵan kóptegen tulǵamyzdyń osynda jerlengenine toqtalyp, byltyr qalaǵa Túrki áleminiń rýhanı astanasy degen mártebe berilgenin aıtty. Prezıdenttiń pikirinshe, bul oqıǵa Túrkistandy tutas túrki jurty erekshe qadirleıdi degendi bildiredi. «Biz kıeli shahardy rýhanı jáne tarıhı elordamyz desek, durys paıym bolatynyna kúmánim joq. Sondyqtan Úkimet taıaý arada Túrkistan qalasyna osyndaı mártebe berý máselesine qatysty laıyqty sheshim qabyldaıdy dep oılaımyn. Qasterli shahar kóne zamannan beri ulttyń uıasy, qazaqtyń qara shańyraǵy bolyp keledi. Túrkistan osy mártebeli mindetin qazir de abyroımen atqaryp otyr. Sol se­bepti, men ata jolyn ustanyp, Ult­tyq quryltaıdyń kelesi otyrysyn Túr­kistanda ótkizýdi usyndym. On­da el bolashaǵyna qatysty ózekti máselelerdi talqylaımyz», dedi Qasym-Jomart Toqaev. Búginde óńir jastary Ulttyq quryltaıdyń kıe­li qalada ótkizilýin úlken már­tebe sanaıdy. Sondaı-aq Mem­leket basshysy aıtqan reformalar­dyń júzege asyrylýyna belsendi atsa­lyspaq. Bul oraıda stýdentterimiz asa mańyzdy reformalardyń biri – Prezıdenttiń bir ǵana merzimge saılanýyn qoldap otyr. Bul ózgeris jastar tarapynan demokratııa jolyndaǵy batyl qadam retinde baǵalanýda. Sondyqtan da aldaǵy saılaý naýqanyna belsene qatysyp, óz tańdaýyn jasaýǵa nıetti.

Janar TEMIRBEKOVA,

Q.A.Iаsaýı atyndaǵy Halyqaralyq qazaq-túrik ýnıversıtetiniń rektory

TÚRKISTAN