Astanadaǵy asa iri jarys

О́kinishke qaraı, el astanasynda ótip jatqan baıraqty básekeniń irikteý saıystaryna qatysqan Qazaq­stannyń tórt tennısshisi de negizgi kezeńge shyǵa almady. Al­ǵashqy aınalymda Denıs Evseev álemniń 66-raketkasy belgııalyq Davıd Goffennen (1:6, 4:6), Grı­gorıı Lomakın túrkııalyq Altýg Chelıkbılekten (3:6, 3:6) jáne Arys­lanbek Aıtqulov reseılik Pavel Kotovtan (0:6, 0:6) jeńilip, jarystyń negizgi kezeńine joldama ala almady.

Aleksandr Nedovesov irikteýdiń alǵashqy aınalymynda sensasııa jasaǵanymen, ol da negizgi kezeńnen qur qaldy. Álemdik reıtıngte 1170-orynda turǵan A.Nedovesov al­ǵashqy kezdesýinde álemniń 69-raketkasy kolýmbııalyq Danıel Galanmen sheberlik baıqasyp, úsh sette – 5:7, 7:6 (7:0), 6:2 esebimen je­ńiske jetken edi. Biraq negizgi kezeńge joldama beretin básekede Nedovesov álemniń 123-raketkasy qytaılyq Chjıchjen Chjanǵa eki sette ese jiberip (6:7 (5:7), 3:6), Astana Open ATP 500 týrnıriniń negizgi kezeńinen tys qaldy. Birinshi partııada esep 5:4 bolǵan mezette Aleksandr setbolyn paıdalana almady. Sodan keıin taı-breıkte qarsylasy sátti oınady. Osylaısha, Chjıchjen Chjan irikteý saıystarynan birinshi bolyp negizgi kezeńge shyqty.

Sondaı-aq negizgi týrnırge álem­­niń 65-raketkasy belgııalyq Davıd Goffendi jeńgen 19 jastaǵy ıta­lııalyq Lýka Nardı, otandasy Pavel Kotovty súrindirgen reseı­lik Aleksandr Shevchenko, túrkııa­lyq Altýg Chelıkbılekti joldan taı­dyrǵan álemniń 72-raketkasy serbııa­lyq Laslo Djere joldama aldy.

Irikteý saıystary aıaqtalǵan soń negizgi kezeńde oınaıtyn ten­nısshilerdiń jerebesi tartyldy. Sóıtip alǵashqy aınalymynda Qazaqstannyń birinshi, álemniń 41-raketkasy Aleksandr Býblık dúnıejúzilik reıtıngte 52-orynda turǵan nıderlandtyq Tallon Grıkspýrmen kezdesetin boldy. Eki ten­nısshi buǵan deıin kortta eki márte jolyǵyp, ekeýinde de jer­lesimizdiń mereıi ústem bolǵan.

Astanadaǵy dodaǵa arnaıy shaqyrtý alǵan Mıhaıl Kýkýshkın birinshi kezeńde álemniń altynshy, osy týrnırdiń úshinshi raketkasy bolyp tirkelgen grekııalyq Stefanos Sısıpaspen oınaıdy. Kýkýshkın grekııalyq tennısshimen tórt márte kezdesse de áli kúnge deıin jeńe almaı keledi. Jerlesterimizdiń qatysýmen ótetin bul kezdesýler búginge josparlanǵan. Al jýyrda ǵana el chempıonatynda top jarǵan 22 jastaǵy Beıbit Juqaev jarystyń alǵashqy kúninde álemniń 34-raketkasy nıderlandtyq Botık van de Zandshýlppen kortqa shyǵyp, eki sette 1:6, 1:6 esebimen jeńilip qaldy.

Negizgi kezeńniń jerebesi bo­ıyn­sha, álemniń birinshi raketkasy, bıylǵy US Open týrnıriniń jeńimpazy ıspanııalyq Karlos Alkaras reıtıngte 26-satyda tur­ǵan danııalyq Holger Rýnemen synǵa túsýi tıis edi. Alaıda keshe 19 jastaǵy danııalyq tennısshiniń belgisiz sebeptermen Astanadaǵy týrnırge qatysýdan bas tartqany belgili boldy. Sóıtip onyń ornyn irikteý saıystarynyń fınalynda jeńilgen belgııalyq Davıd Goffen basty. Eki tennısshi osydan bir jyl buryn Melbýrndegi (Aýstralııa) ATR týrnırinde kezdesip, Alkaras 6:3, 6:3 esebimen jeńiske jetken. Eger ıspanııalyq tennısshi bul joly da jeńisti jolyn jalǵastyratyn bolsa, ekinshi kezeńde fransııalyq Adrıan Mannarınomen oınaıdy. О́z kezeginde Adrıan alǵashqy aınalymda «Úlken dýlyǵa» sanatyndaǵy úsh birdeı jarystyń jeńimpazy atanǵan shveısarııalyq Sten Vavrınkadan 1:6, 6:2, 6:3 esebimen aılasyn asyrdy. Eki tennısshi eń keıingi ret osy­dan jeti jyl buryn kezdesip, sol kezde de Mannarıno ústemdik ta­nytqan edi.

Jarystyń ekin­shi raketkasy re­seılik Danııl Med­vedev ıspa­nııa­lyq Albert Ra­mos Vınolaspen she­ber­lik baıqasady. «Úlken dýlyǵa» týr­nı­riniń 21 dúrkin chempıony ser­bııa­lyq No­vak Djokovıch (ja­rystyń 4-raketkasy) birinshi kezeńde álem­niń 79-raketkasy chı­lılik Krıstıan Garınmen oınaıdy. Eger Medvedev pen Djokovıch shırek fınalǵa deıin súrinbeı jetse, ½ fınalda bir-birimen kezdesedi.

Danııl Medvedevke shırek fınalda Felıks Oje-Alıassım, Roberto Baýtısta-Agýt jáne Alehandro Davıdovıch-Fokına qarsylas bolýy múmkin. Al Novak Djokovıchtiń ekinshi kezeńdegi bolashaq qarsylasy – Botık van de Zandshýlp, al shırek fınalda Marın Chılıch nemese Karen Hachanovtyń birimen oınaıdy. Árıne, alǵashqy kezeńderde súrinip qalmasa.

Jerebe tartý rásiminen soń Da­­nııl Medvedev týrnır týraly óz oıyn ortaǵa saldy. «Týrnırge qatysý­shylardyń quramy óte myq­ty. «Masters» jáne «Úlken dýlyǵa» ja­rystarynan kem túspeıdi. Sondyq­tan matchtar óte tartysty ótetinine senimdimin. О́z sheberligimdi kórsetý úshin bar kúshimdi salamyn», dedi reseılik tennısshi.

Negizgi kezeńniń birinshi kúninde Beıbit Juqaev pen Botık van de Zandshýlp, Adrıan Mannarıno men Sten Vavrınka jubynan bólek, Aslan Karasev pen Chjıchjen Chjan jáne argentınalyq Fransısko Che­rýndolo men polshalyq Hýbert Gýrkach juby synǵa tústi. Qytaılyq tennısshi A.Karasevti 4:6, 6:4, 6:1 esebimen jeńse, álemniń 10-raketkasy Gýrkach Fransıskony eki sette 6:2, 7:6 nátıjesimen qapy qal­dyrdy.

Aıta keteıik, oıyndar 9 qazanǵa deıin elordadaǵy Ulttyq tennıs ortalyǵyndaǵy Beeline Arena sport kesheninde ótedi. Ereje boıynsha, keshe jáne búgin birinshi kezeńniń matchtary oınalady. Al erteńge birinshi aınalymnyń sońǵy jáne ekinshi raýndynyń alǵashqy oıyndary josparlanǵan. 6 qazanda ekinshi irikteý kezeńderi aıaqtalyp, 7 qazanda shırek fınal matchtary bastalady. 8 qazanda jartylaı fı­nal oıyndary, 9 qazanda fınal básekesi ótedi.

Irikteý jáne shırek fınal oıyn­dary saǵat 10:00-de bas­tal­sa, jartylaı fı­nal jáne fı­nal kez­desýleri 16:00-ge jos­par­lanǵan.