Astana Marathon daıyndyǵy ártúrli deńgeıdegi qatysýshylardy tartady. Máselen, áýesqoılar úshin Boston marafonyna, kásibı sportshylar úshin Olımpıada oıyndaryna qatysýǵa lısenzııa alý múmkindigi bar. Uıymdastyrýshylar atap ótkendeı, júgirýshilerdi jeke rekordty jaqsartý yqtımaldyǵy joǵary tegis trek qyzyqtyrady.
Marafonǵa qatysýshylarǵa 42.2 km (18 jastan asqan), sondaı-aq 10 km (16 jastan asqan) qashyqtyqtar usynylady. Aıta ketsek, bıylǵy marafonda «kóshbasshylar taqtasy» paıda bolady.
Aıta ketý kerek, marafon tek aýqymdylyǵymen jáne halyqaralyq mártebesimen ǵana emes, sonymen qatar Qazaqstannyń qaıyrymdylyq uıymdarynyń qoldaýymen de tanymal. 2009 jyldan bastap marafondar arqyly 39 425 458 teńge jınalyp, muqtajdarǵa kómek kórsetildi.
