Bul elektrondy platforma bes paryzyn oryndaýǵa asyqqan musylmandarǵa kómektesý maqsatynda ázirlengen. Nusuk – Saýd Arabııasynyń Vision 2030 strategııasynyń Pilgrim Experience («Qajylyq tájirıbesi») baǵdarlamasynyń bir baǵyty.
Platformada qajylyqqa kelgenderge arnalǵan aqparat pen keń aýqymdy qyzmet jınaqtalǵan. Sondaı-aq qajylyq rásimin óteý kezinde kórsetiletin qyzmettiń sapasyn arttyrýǵa úles qospaq. Budan bólek, vızalar, ruqsattar, brondaý úderisteri men rásimderin jeńildetý sekildi máseleler eskerilgen.
Qajylyq jáne ýmra mınıstri, Pilgrim Experience Program baǵdarlamasy jónindegi komıtetiniń tóraǵasy Taýfık ál-Rábııanyń aıtýynsha, Nusuk platformasy jańa tehnologııalardy qoldaný arqyly qajylyqqa kelgenderge kórsetiletin qyzmetterdiń sapasyn jaqsartýǵa úles qosady. Sonymen qatar Nusuk birneshe memlekettik mekememen birlesip rásimderdi jeńildetip, bes paryzyn óteýshilerdiń rýhanı saparlaryn ońaı ári jaıly ótkizýge múmkindik beredi.
Saýd Arabııasy týrızm mınıstri, Týrızm jónindegi basqarmasynyń dırektorlar keńesiniń tóraǵasy Ahmed ál Hatıb Nusuk platformasynyń Pilgrim Experience Program baǵdarlamasy sheńberindegi mańyzyna toqtaldy.
Jalpy, keıingi jyldary Qazaqstan men Saýd Arabııasy arasyndaǵy qarym-qatynas nyǵaıyp keledi. Máselen, aldaǵy ýaqytta eki eldi baılanystyratyn áýe baǵytynyń sanyn 4-ten 8-ge arttyrý kózdelip otyr. Mádenı baǵyttaǵy yntymaqtastyqtyń da órisi keń.
