– Memleket basshysynyń Joldaýynda otandyq temirjol mashınasyn jasaýdy damytý qajettiligi atap ótildi. Bul aralas salalardy: metallýrgııany, óndirýshi ónerkásipti damytýǵa jáne eń bastysy, temirjol tasymalyn turaqty qamtamasyz etýge mýltıplıkatıvti áser beredi, – dep atap ótti «Qazaqstan temir joly» UK» AQ bas ınjeneri Batyr Kotyrev.
Elimizdiń vagon jasaý keshenin damytý mindetterin talqylaý úshin spıkerler retinde salanyń negizgi ókilderi shaqyryldy. Modeldik qatardy keńeıtý jáne óndiristik alańdardy qaıta jaraqtandyrý úshin júk vagondary parkiniń ıelerin de, óndirýshilerdi de shoǵyrlandyrýdy talap etetin negizgi parkti jańartýdyń uzaq merzimdi strategııasy atap ótildi.
Seksııalyq otyrysta aǵymdaǵy jaǵdaıdy, damý josparlary men perspektıvalaryn ashyp kórsetetin baıandamalar tyńdaldy. О́ndirýshiler tehnıkalyq parametrleri jaqsartylǵan júk vagondarynyń jańa modelderin óndirýdi ıgerý paıymdarymen, júk vagondary men tejegish jabdyqtarǵa arnalǵan quzyrettilik ortalyqtaryn qurý nıetterimen bólisti.
Qatysýshylardyń pikirine den qoısaq, otyrys sala ókilderi úshin tıimdi dıalog alańyna aınaldy. Is-shara qorytyndysy boıynsha salany damytýda pármendi sharalar ázirleý, sondaı-aq lızıngtik kompanııalarmen, vagon óndirýshilermen jáne operatorlarmen júk vagondary parkin jańartý boıynsha qarjy quraldaryn ázirleý týraly dóńgelek ústel uıymdastyrý maqsatynda vagon jasaýdyń 2030 jylǵa deıingi memlekettik baǵdarlamasyn ázirleý qajettigi týraly usynymdar berildi.
Seksııalyq otyrys qorytyndysy boıynsha birlesken qujattarǵa, yntymaqtastyq týraly memorandýmdarǵa qol qoıyldy.
Sonymen qatar shara barysynda sala qyzmetkerlerin «Qurmetti mashına jasaýshy» belgilerimen jáne «Qazaqstan temir joly» UK» AQ-nyń 25 jyldyǵyna arnalǵan mereıtoılyq medaldarmen marapattaý rásimi ótti.
