Qarqaraly topyraǵynan shyqqan sahna sańlaǵynyń esimin urpaqtar jadynda máńgi qaldyrý úshin taǵy bir ilkimdi is týǵan jerinde júzege asty. Atap aıtqanda, Úkimet qaýlysymen týǵan topyraǵynda, Qarqaraly aýdandyq mádenıet úıi budan bylaı Sholpan Jandarbekova esimimen atalmaq.
– Belgili qazaq aktrısasy Sholpan Jandarbekovanyń esimin berý týraly sheshim Úkimettiń qaýlysymen bekitilgen. Endi Mádenıet úıi aktrısanyń esimimen atalady. Mádenıet úıiniń sahnasynan bizdiń ataqty jerlesimizdiń izbasarlary kóptep shyǵaryna senim mol, – deıdi Qarqaraly aýdany ákiminiń baspasóz hatshysy Barshyn Jumahanova.
О́miri ónermen egiz órilgen Sholpan Jandarbekova 1922 jyly 1 qańtarda Qarqaraly aýdany Mılybulaq aýylynda dúnıege kelgen. Almaty qalasyndaǵy teatr-kórkemsýret ýchılıshesin támamdaǵan. Muhtar Áýezov atyndaǵy qazaq drama teatrynyń aktrısasy bolǵan Sh.Jandarbekova 200-den astam ról somdapty. Sonymen qatar kıno salasynda da, T.Júrgenov atyndaǵy Qazaq ulttyq óner akademııasynda da izi qalǵan.
Qaraǵandy oblysy,
Qarqaraly aýdany
