Jerlesimiz júlde qory 611 210 eýrony quraıtyn jarystyń alǵashqy aınalymynda álemniń 17-raketkasy amerıkalyq Medıson Kızben sheberlik baıqasty. Bıyldyqqa eki tennısshi osymen úshinshi márte bir-birimen kezdesti. «Rolan Garrostyń» ekinshi aınalymynda ótken birinshi matchta amerıkalyq tennısshi 3:6, 6:1, 7:6 esebimen jeńiske jetti. Keıinnen araǵa úsh aı salyp olar AQSh-tyń Sınsınnatı qalasyndaǵy WTA týrnırinde baq synasty. О́kinishke qaraı, bul joly da Kızdiń mereıi ústem boldy – 6:2, 6:4.
Al kúni keshe ótken eki tennısshiniń arasyndaǵy úshinshi báseke jerlesimizdiń paıdasyna aıaqtaldy. Birinshi sette amerıkalyq tennısshi 7:5 esebimen basym túskenimen, keıingi eki sette E. Rybakına oıyn tizginin óz qolyna alyp, 6:3, 6:3 nátıjesimen qarsylasyn tize búktirdi.
E.Rybakına kelesi kezeńde álemniń 16-raketkasy latvııalyq Elena Ostapenko nemese álemdik reıtıngte 31-satyda turǵan Belarýs ókili Aleksandra Sasnovıchtiń birimen oınaıdy.
