Prezıdent tapsyrmasymen aýyl sharýashylyǵy jerlerine ǵaryshtan monıtorıng jasaldy. Nátıjesinde, Respýblıka boıynsha ıgerilmeı bos jatqan 20 mıllıonnan astam gektar jaıylym jer anyqtaldy. Ony memleket menshigine qaıtarýmen aınalysatyn arnaıy komıssııa jumys istep jatyr. Qazirdiń ózinde 4,2 mıllıon gektardan astam alqap qaıtaryldy. Sonyń ishinde 1,1 mıllıon gektar jer Qaraǵandy oblysyna tıesili.
«Álemde 9 oryn alatyn ulan-ǵaıyr jeri bar Qazaqstanda jaıylym tapshylyǵy degen – esh qısynǵa kelmeıtin nárse. Osy keń baıtaq jerimizdiń ıgiligin latıfýndıster emes, qarapaıym halyq kórýi kerek. Sondyqtan, endigi másele – qaıtarylǵan jerdi jergilikti sharýalarǵa ádil bólip berý qajet. Sonda ǵana fermerlerdiń óz sharýashylyǵyn adal júrgizýge senimi artady», dedi Q.Toqaev.
