Eki el arasyndaǵy alys-beristi arttyrýǵa taǵy bir qaryshty qadam jasaldy
Dostyq arqaýyna negizdelgen qarqyndy qarym-qatynas qashanda zor jetistikterge jetelep, ıgi sharapatyn tıgizetini haq. Osyndaı yntymaqty berik baılanys irgemizde jatqan Qytaı elimen jyl ótken saıyn nyǵaıyp, barys-kelis kóbeıip, saýda-sattyq ulǵaıyp keledi. Bul oraıda, budan buryn habarlanǵanyndaı, Qazaqstan Respýblıkasynyń Prezıdenti Nursultan Nazarbaevtyń Qytaı Halyq Respýblıkasyna memlekettik sapary barysynda Lıanıýngan teńiz portyndaǵy birinshi Qazaqstan-Qytaı kólik-logıstıkalyq termınaly keshenin iske qosý saltanatty rásimi bolyp, onda telekópir ótkizildi. Elbasy Nursultan Nazarbaev pen QHR Tóraǵasy Sı Szınpın Qytaıdyń shyǵys jaǵalaýyndaǵy alǵashqy birlesken logıstıkalyq joba qyzmetiniń ashylýyn bastap berip, sát sapar tiledi. Sóıtip, eki eldiń senimdi seriktes ekendigi naqty ispen dáleldendi. Aýmaǵy 21,6 gektarǵa eseptelgen logıstıkalyq keshenniń qurylysyn 2014 jyldyń sońyna deıin tolyq aıaqtaý josparlanyp otyr.
«Qazaqstan temir joly» ulttyq kompanııasy men Lıanıýngan portynyń birlesken ınvestısııalary 100 mln. AQSh dollaryn quraıdy. Lıanıýngan porty transqurlyqtyq tranzıttik dálizdiń shyǵys jaǵalaýyndaǵy teńiz qaqpasy retinde Qazaqstanmen tikeleı temirjol qatynasy arqyly tyǵyz baılanysta.
Lıanıýngan portynda termınaldyń iske qosylýyna baılanysty, «Qazaqstan temir joly» ulttyq kompanııasy Ońtústik-Shyǵys Azııa elderinen Ortalyq Azııa, Kavkaz, Reseı, Eýropa jáne Parsy shyǵanaǵy elderi baǵytyna, sondaı-aq keri baǵytqa jol tartatyn júkterdi shoǵyrlandyrý jáne qaıta óńdeý esebinen logıstıkalyq qyzmetter aýqymyn keńeıtý múmkindigin alady.
Birlesken josparlarǵa sáıkes, termınal arqyly konteınerlerdi tasymaldaý kólemi 2015 jyly 250 myń konteınerden astam deńgeıge jetedi nemese 2020 jylǵa qaraı keıinnen 2 ese ulǵaıtý arqyly 3 mıllıon tonna júkti quraıdy. Sóıtip, atalǵan joba Qazaqstan Respýblıkasynyń tranzıttik jáne eksporttyq áleýetin aıtarlyqtaı kólemde ósirip, qazynaǵa qomaqty qarjy quıady. Sátin salsa, tasymal tasqyndap, talaı asýlardan asatynymyz anyq.
Marat AQQUL,
«Egemen Qazaqstan».
«Qazaqstan temir joly» ulttyq kompanııasy men Lıanıýngan portynyń birlesken ınvestısııalary 100 mln. AQSh dollaryn quraıdy. Lıanıýngan porty transqurlyqtyq tranzıttik dálizdiń shyǵys jaǵalaýyndaǵy teńiz qaqpasy retinde Qazaqstanmen tikeleı temirjol qatynasy arqyly tyǵyz baılanysta.
Lıanıýngan portynda termınaldyń iske qosylýyna baılanysty, «Qazaqstan temir joly» ulttyq kompanııasy Ońtústik-Shyǵys Azııa elderinen Ortalyq Azııa, Kavkaz, Reseı, Eýropa jáne Parsy shyǵanaǵy elderi baǵytyna, sondaı-aq keri baǵytqa jol tartatyn júkterdi shoǵyrlandyrý jáne qaıta óńdeý esebinen logıstıkalyq qyzmetter aýqymyn keńeıtý múmkindigin alady.
Birlesken josparlarǵa sáıkes, termınal arqyly konteınerlerdi tasymaldaý kólemi 2015 jyly 250 myń konteınerden astam deńgeıge jetedi nemese 2020 jylǵa qaraı keıinnen 2 ese ulǵaıtý arqyly 3 mıllıon tonna júkti quraıdy. Sóıtip, atalǵan joba Qazaqstan Respýblıkasynyń tranzıttik jáne eksporttyq áleýetin aıtarlyqtaı kólemde ósirip, qazynaǵa qomaqty qarjy quıady. Sátin salsa, tasymal tasqyndap, talaı asýlardan asatynymyz anyq.
Marat AQQUL,
«Egemen Qazaqstan».
