«Elimizdiń kúshi adamdarda, olardyń qaıratynda, biliminde jáne patrıottyǵynda. Sondyqtan da adamgershilik memlekettik saıasatymyzdyń negizgi ólshemine aınaldy. Qarapaıym halyqtyń múddesine, eldiń álemdik aýqymda tartymdy jańa kelbetin qalyptastyrýǵa erekshe kóńil bólýimiz kerek», dedi Prezıdent.
Onyń aıtýynsha, ulttyq mádenıetti shetelde ilgeriletý men jańǵyrtýǵa Pavlodar oblysynan kelgen «mádenı tolqynnyń» jańa Qazaqstandaǵy ókilderi orasan zor úles qosýda.
«Klassıkalyq ónerdiń bilgirleri Eýropanyń úzdik opera sahnalarynda arııalardy oryndaıtyn Marııa Mýdrıaktyń daýysynan lázzat alady. Gremmı syılyǵynyń ıegeri Imanbek Zeıkenovtiń tanymal mýzykasy búkil álem jastary arasynda ystyq yqylas tabady. Olar óz urpaǵynyń daryndy ókilderi bola otyryp, shetelderdegi mádenıetimizdiń tabysty elshilerine aınaldy», dep atap ótti Memleket basshysy.
