Sonyń ishinde Qaraǵandy oblysynyń tranzıttik áleýetin arttyrýǵa arnalǵan tapsyrmalary, kólik kommýnıkasııasyn damytýǵa baılanysty mindetteri men mejeleri tushymdy.
Barshaǵa málim, Qaraǵandy oblysy terrıtorııasy aýqymdy, elimizdegi úlken oblys. О́ńir tranzıttik joldar toǵysynda tur. Sol sebepti de joldardyń jaǵdaıy halyqty qatty alańdatady. Ásirese qasıetti Qarqaraly, mys mekeni Jezqazǵan jolynyń sapasy syn kótermeıdi. Atalǵan joldarǵa Prezıdenttiń nazar aýdarýy ondaǵy kúrdeli de kúrmeýli máseleni sheshpek. Tipti Úkimetke Qaraǵandy-Qarqaraly tas jolyn eki jyl ishinde salý týraly tapsyrmasy aımaq ekonomıkasyn ilgeriletýge áser eteri daýsyz.
Biz rasymen óńirlik týrızmdi damytamyz desek, eń aldymen kólik joldarynyń jóndelýine basa mán bergenimiz jón. Sebebi bul máseleniń oń sheshilýi aımaq ekonomıkasynyń ósýine septigin tıgizedi. Sonymen qatar Prezıdenttiń iri kásiporyndardyń memleket aldyndaǵy jaýapkershiligin kúsheıtý týraly sózi buqaranyń kókeıinen shyqqany daýsyz. Osy baǵytta el Prezıdentiniń «Qýatty óńirler – el damýynyń draıveri» degen ustanymy óte durys.
Sondaı-aq ǵalym retinde, oqý ornynda uzaq jyldar eńbek etken ustaz retinde maǵan Memleket basshysynyń óńirlik ýnıversıtetti damytý týraly bastamasy unady. Oqý oryndarynyń janynan zerthanalar ashýǵa qamqorlyq tanytýy da qýanarlyq jańalyq. Mundaı kezdesýler Prezıdent pen halyq arasyndaǵy baılanysty nyǵaıta túsedi.
Nurlan DÝLATBEKOV,
E.A.Bóketov ýnıversıtetiniń rektory, akademık
