Ras, Pavlodarǵa olımpıadalyq sport túrlerimen aınalysýǵa qajetti mundaı keshen kerek-aq. Bul týraly talaı márte aıtyldy da. Bizdi Memleket basshysynyń jurtshylyq kótergen osynaý bastamaǵa nazar aýdaryp, qoldaý bildirgeni qýantty. Demek armanymyzdyń oryndalar kúni alys emes degen sóz.
Jalpy, Pavlodar oblysy – qysqy sport túrlerin damytýǵa qolaıly aımaq. Jergilikti jastar da qysqy sport túrlerine beıim. Ásirese sońǵy jyldary jastar tarapynan qyzyǵýshylyq kóbeıdi. Sondyqtan zamanaýı muz saraıynyń qajettiligi týyndap otyr. Memleket basshysy da mundaı keshenniń mańyzy zor ekenin eskertti.
Rasynda da, sportshylardan medal kútý úshin aldymen olarǵa laıyqty jaǵdaı jasaý kerek. Biz kútken muz saraıy iske qosylsa, Pavlodar óńirinen Olımpıada chempıondary men júldegerleriniń kóptep shyǵaryna senemin.
Atap óterligi, Memleket basshysy eldegi, onyń ishinde óńirlerdegi sporttyń damýyna erekshe kóńil bólip otyr. Aımaqtardy zamanaýı sporttyq ınfraqurylymdarmen qamtamasyz etýge nazar aýdarylyp jatyr. Osynyń bári bizge qýanysh syılaıdy.
Sport – ulttyń saýlyǵy. Sondyqtan buǵan atústi qaraýǵa bolmaıdy. Biz sportty damytý arqyly deni saý urpaq qalyptastyramyz.
Lıýdmıla PROKAShEVA,
konkımen júgirýden Nagano Olımpıadasynyń qola júldegeri
Pavlodar oblysy
