Endi ózgeristerge toqtalsam. Aldymyzda saılaý naýqany kele jatyr. El Prezıdenti Qasym-Jomart Toqaev kezekten tys prezıdenttik saılaý ótetin kúnge 2022 jylǵy 20 qarashany belgiledi.
Bul qazirgi bıliktiń durys sheshimi ekenine senimim mol. Elimizde demokratııalyq baǵyttaǵy saıası ózgerister bastalǵany sózsiz. Qasym-Jomart Toqaevtyń Qazaqstan halqyna úndeýi 2019 jyldan bergi prezıdenttik kezeńiniń nátıjeleri men qorytyndylaryn jasaýmen birdeı.
Osy ýaqyt ishinde Prezıdent pen memlekettik bılik úlken jumys atqardy. Sonyń ishinde, partııalarǵa saılaýǵa qatysý úshin tirkeý kezinde 30 paıyzdyq kvota engizildi. Bul tizimge 30 paıyz jastar men áıelder kirýi kerek degendi bildiredi. Partııalardy tirkeý shegi tómendetildi, bul da demokratııalyq ózgerister kórsetkishi.
Otandastarymyzdyń belsendiligi men saıası kózqarastaryna súıensek, jaqyn arada birneshe saıası partııa qurylatynyn ańǵarý qıyn emes. О́ıtkeni búgingi tańda qazaqstandyqtar arasynda saıası belsendilik artyp keledi.
Halqymyzda saılaýdan keıin jańa dáýir bastalady degen úmit bar. Sebebi kóp nárse aıtyldy, kóp nárse ýáde etildi jáne ony júzege asyrý úshin Prezıdenttiń ózi aıtqandaı jeti jyl jetkilikti.
Prezıdent halyqqa úndeýinde saılaýǵa qazaqstandyq jáne sheteldik baqylaýshylar qatysatynyn habarlady. Bul aldymyzdaǵy saılaý demokratııalyq saılaý normalaryna sáıkes bolatynynyń kepili dep túsinemiz.
Saılaýǵa daıyndyqqa kelsek, kezekten tys saılaý bolatyny týraly buryn ár túrli boljam aıtylatyn. О́ıtkeni bul naýqan qazir elde júzege asyrylyp jatqan saıası reformalardyń zańdy jalǵasy ekeni bárimizge málim. Aldymyzdaǵy prezıdent saılaýynan keıin parlamenttik saılaý bolatyny zańdy qubylys. Iаǵnı parlamenttik saılaýǵa daıyndalyp jatqan saıası kúshterge aldymyzdaǵy prezıdenttik saılaýǵa qatysý úshin óz kóshbasshysyn usyný qıynǵa soqpaıdy. Saıası úderistiń ıdeıasyna sáıkes saıası kúshter árqashan belsendi ustanymyna ıe bolýy kerek, kez kelgen ýaqytta saılaý naýqanyna daıyn bolý úshin saılaýshylarmen durys jumys ótkizý kerek.
Natalıa DEMENTEVA,
Májilis depýtaty
