«Meniń túsinýimshe, kóbi Atyraýdy tranzıttik núkte retinde qarastyrady jáne bul jerde uzaq turýdy josparlamaıdy. Al bizge terapevt, pedıatr, ÝDZ, jalpy tájirıbelik dárigerler syndy mamandar qajet. Biz sheteldik mamandardy shaqyrý úshin barlyq qajetti tólemderdi jasaýǵa, olardy baspanamen qamtamasyz etýge daıynbyz. Nostrıfıkasııadan ótken, tıisti sertıfıkattary bar jaqyn jáne alys shetel dárigerleri bizdiń emhanada birneshe jyldan beri jumys isteıdi», dedi Atyraýdaǵy «Intertıch» aımaqtyq ókildiginiń dırektory Natalıa Mandrovna.
Oblystyq densaýlyq saqtaý basqarmasynyń málimetinshe, emhanalar men aýrýhanalarǵa usynystar men ótinishter túsken joq.
«Arhımedıs» emhanasy ÝDZ dárigerin, gınekologtardy, jalpy tájirıbelik dárigerlerdi kezekshi jumysqa alýǵa daıyn. «Medıker Jaıyq» JShS-ne de endokrınolog, kardıolog jáne basqa da mamandar qajet.
«Sońǵy oqıǵalardan keıin, Reseıden kelgen dárigerler bizge túıindemelerdi jiberýde, biraq biz áli olarmen suhbat ótkizgen joqpyz. Keıbir túıindemelerde kórsetilgen telefon nómirleri óshirýli. Al endi biri Qazaqstannyń basqa qalasynda», deıdi N.Mandrovnaıa.
Jansaıa ÁNÝAR
