Ashyqtyqty arttyratyn ıgi ister

Kezdesý barysynda jas sarbazdardyń áskerı ortaǵa beıimdelýi, komandırlerdiń áskerı jáne quqyqtyq tártiptiń jaı-kúıine jaýapkershiligi, áskerı qyzmetshilerdiń quqyqtaryn saqtaý jáne tamaqtaný sapasy sııaqty ózekti máseleler talqylandy.

Qorǵanys mınıstri Rýslan Jaqsylyqov qoǵamdyq uıymnyń basshysy Lılııa Haı­rýllınany áskerı ujymdarda salamatty atmosfera qurý, áskerı qyz­mettiń qaýipsizdigin qamtamasyz etý, «О́mi­rińdi saqta» baǵdarlamasyn iske asyrý, ashyqtyq pen ádilettilik qaǵıdattary, áskerı qyzmettiń bedelin arttyrý jáne boryshyn ótegenderge áleýmettik kepildikter tóńireginde vedomstvo qabyldaıtyn sharalar jóninde habardar etti.

Qorǵanys vedomstvosynyń qoǵam ókil­derimen yntymaqtastyǵy artyp keledi. My­saly, «Analar júregi» qoǵamdyq bir­lestigi qorǵanys isteri jónindegi depar­tamenttermen birlesip áskerge shaqyry­lýshylarmen jáne ata-analarmen shaqyrý pýnktterinde turaqty kezdesýler ótkizilip turady. Bul format kóptegen qyzyqty máseleni sheshý, baılanys ornatý jáne azamattyń jeke bolmysyn qalyptastyrý úshin osyndaı mańyzdy kezeńde bolatyn kúmándi seıiltýge edáýir múmkindik beredi.

Qoǵamnyń armııaǵa degen senimin arttyrý, áskerı qyzmetshilerdiń jaýyngerlik rýhyn qoldaýdaǵy pármendi qadam «Ot­ba­symen beıneqońyraý» beıneservısin engizý boldy. Jańashyldyqtyń arqasynda árbir áskerı qyzmetshi jumys kúnderi týystarymen jáne jaqyndarymen baılanysa alady.

Analar komıtetiniń jetekshisi Lılııa Haırýllına qorǵanys vedomstvosynyń qoǵammen dıalog ornatýdaǵy qadamdaryn oń baǵalap: «Tıisti quralymdardyń, bólimshelerdiń bastyqtary jáne áskerı bólimder komandırleri jergilikti qoǵamdyq oryndardyń jumysyna yqpal eterine senemin», dedi.

2022 jyldyń qyrkúıeginde Qor­ǵa­nys mınıstrligi sarbazdardyń analar komı­tetteriniń ókilderimen birqatar kezdesý ótkizdi. Almatyda áskerı qyzmetshilerdiń tamaqtaný sapasy máseleleri boıynsha dóńgelek ústel uıymdastyryldy. Astanada «О́mirińdi saqta» baǵdarlamasynyń ere­jeleri, sondaı-aq áskerı-patrıottyq tár­bıeniń mańyzdy aspektileri talqylandy. Áskerge shaqyrý naýqany kezinde Mań­ǵystaý oblysy sarbazdar analary komıtetiniń ókilderi «Batys» óńirlik qolbasshylyǵynyń teńiz jaıaý áskerleri quramyna bardy. Odan ózge Semeıde qoǵam ókilderiniń qatysýymen kezdesý
ótti.

– Bul Qorǵanys mınıstrligimen úl­ken yntymaqtastyqtyń bastamasy ǵana. Kezdesý taǵylymdy ótti. Bizdiń qa­rym-qatynasymyzdyń ózi kókeıdegi kóptegen suraqqa jaýap alýǵa múmkindik berdi, – dep Lılııa Haırýllına kezdesý nátıjelerimen bólisti.

Áskerı ujymdardaǵy moraldyq-psıhologııalyq ahýaldyń jaı-kúıi Qorǵanys mınıstrligi basshylyǵynyń erekshe baqylaýynda. Olardyń sátti sheshimin tabýy kóbine azamattyq sektor rettegen yntymaqtastyqqa baılanysty.