Kóptiń kókeıindegini dóp basty

Jalpy, bizdiń oblys jónin­degi maǵlumattarǵa Qasym-Jomart Kemelulynyń óte qanyq ekenin baıqadyq. Ertis-Baıan óńirinde týyp, keıin tutas Alash eline qyz­met etken tarıhı tulǵalar men mádenıet qaıratkerlerin, otandyq ǵylym men bilim sala­laryna ólsheýsiz úles qos­qan ǵalymdarymyzdy tizbek­tep, Másh­húr Júsip, Musa Shormanov, Kópeev, Qanysh Sátbaev sekildi bir­týar perzentterimizdiń barsha Qazaq eli úshin maqtanysh ekenin jetkizdi. Muny esti­gende erekshe qýanyp, mere­ıimiz kóterilip qaldy.

Pavlodar oblysyn damy­týdyń basymdyqtary týraly aıtqanda bes negizgi baǵy­tymyzdy aıqyndap ber­genine kýá boldyq. Olar – ındýstrııalyq-ınno­va­sııalyq áleýetti nyǵaıtý, ekologııalyq máselelerdi sheshý, sýmen qamtamasyz etý máselesi, óńirdiń ınfra­qurylymyn damytý, kreatıv­ti ındýstrııa men týrızmdi damytý. Bul basymdyqtar­dyń qaı-qaısysyn bolmasyn júzege asyrý túptiń túbinde sapaly bilim berýge, otansúıgish jas urpaqty qalyptastyrý máselelerine baryp tireletini aıqyn. Osy rette Prezıdent bıylǵy Joldaýynda jarııalaǵan «Jaıly mektep» ulttyq jobasy aıasynda Pavlodar oblysynda aldaǵy 3 jylda 10 mektep salynatynyn aıtyp, zamanǵa saı oqý ordalarynda bilim ıgergen jurttyń mereıi ústem bolatynyna taǵy bir márte mán berdi. Olardyń qurylysyn sapaly júrgizý – ózimizge syn.

Bárimizge belgili, kók­temde qar erise, jazǵy mezgil­de jańbyr jaý­sa Pav­lodar qalasynyń kóshe­leri sýǵa kólkip, kishigirim Venesııa­ǵa aınalyp shyǵa keledi. Shaharda nóser kárizi júıesiniń joqtyǵy tur­ǵyn­dardy qıyndyqqa tirep otyr. Jyldar boıyna saǵyzsha sozylǵan máseleni sheshýdi Prezıdent Úkimetke júktedi. Bilýimizshe, jań­byr sýyna arnalǵan káriz júıe­siniń jobasy da­ıyn kórinedi. Onyń qurylysy áýeli sol­tústik-batys bóliginde júr­gizilip, Ekinshi Pavlodar shaǵyn aýdanyn qamtıdy. Odan soń ekinshi kezeńde sol­tústik-batys aýmaqta júr­gizilip, Zelenstroıdyń dre­najdyq júıesin ómirsheń etedi. Sońynan qalamyz­dyń ózge bólikteri de qosylady dep kútilýde. Osy jumystar kelesi jyly bastalyp ketetini bizdi aıryqsha qýantty. Se­bebi kún jyly mezgilde kól­kigen sýdan kóshelerimizde kólik keptelisi oryn alyp, jer úı­lerdi sý basatyny bar. Bul ma­shaqattan taıaýdaǵy jyl­darda qutylatynymyz anyq.

Ár jaz saıyn mazamyzdy alatyn shybyn-shirkeıge qarsy kúrestiń de jergilikti halyqtyń kóńilinen shyqpaı otyrǵanyn Prezıdentimiz jaqsy biledi eken. Myna Ertis boıyn jaılaǵan kóp eldi mekender, sonyń ishinde Pavlodar, Aqsý qalalary men birneshe aýdan jurtshylyǵy jándikterden qatty zııan shegip keledi. Olardy joıýǵa mıllıardtaǵan teńge qarajat bólingenimen, nátıjesin el kóre almaýda. Memleket basshysy osy máseleni retteýdi, oǵan ǵylymı ádis-tásilderdi engizip, sheteldik táji­rıbeni tartýdyń ýaqyty jet­kendigin aıtty. Rasynda, bizdiń óńirde shybyn-shirkeıge qarsy kúres sharalary tek bıologııalyq jáne hımııalyq óńdeýmen ǵana shektelip kele jatyr.

Budan basqa oblys orta­lyǵy­nyń irgesindegi Byl­qyl­daq kólinde jınalyp qalǵan synapty qaýip­siz etý­diń joldaryn izdestirýge, úl­ken za­ýyttarǵa zamanǵa saı súzgi­ler ornatýǵa qatysty tapsyrmalar berip, Ekibastuzdaǵy kómir kenishterinen shyq­qan úıindiler men elektr stansalaryndaǵy kúl tógetin oryndardyń máselesin sheshýge aıryqsha kóńil ból­geni Pre­zıdentimizdi óńir­degi eko­logııalyq túıt­kil­der aıryqsha alań­data­ty­­nyn ańǵartsa kerek. О́ndi­ris pen qor­sha­ǵan orta ara­syn­da­ǵy teńgerimniń saqtalýyn qam­tamasyz etý óte kóp qara­jatty qajet etetinin jaqsy túsi­nemiz. Osy oraıda Qasym-Jomart Toqaevtyń kezdesýde belgilegen naqty mindetteri men usynystary jergilikti alpaýyt kásip­oryndardyń basshylaryn oılandyrady dep esepteımiz.

Erke Ertistiń jaǵasynda otyryp aýyzsýǵa jarymaǵan aýyldar jaıynda áńgime qoz­ǵaýdyń ózi yńǵaısyz. Kezin­de Ertis aýdanynda – Belovod, Maı aýdanynda Maı toptyq sý qubyry júıeleri jaqsy jumys istep, jergilikti jurtty sapaly aýyzsýmen turaqty qamtydy. Toqyraý kezeńinde olardyń barlyǵy qurdymǵa ketkenimen, sońǵy jyldary birtindep qal­pyna keltirilip jatqanyn baıqaımyz. Alaıda aýylǵa barǵanda kóp turǵyndar jańadan salynǵan sýmen qamtý júıeleriniń durys júr­gizilmegenine, merdigerler qurylysty sapasyz tapsyratynyna jıi shaǵymdanady. Osyndaı kemshilikterdi oblys basshylyǵy men jaýapty organdar der ýaqytynda anyqtap, Úkimetke jetkizbeı sheship tastap otyrýy kerek dep sanaımyn. Negizi sońǵy jyldary aýyl halqynyń tirshilik nárine qoljetimdiligi aı­tar­lyqtaı óskenimen, keıbir júr­gizilgen jobalardyń shıkiligi kóńilge qaıaý túsiredi.

Aýylda týyp-óskendikten, qala­da tursaq ta eldiń jaǵdaıyna alań­dap otyramyz. Qazir, mine, sharýa­lar ala jazdaı eńbeginiń jemisin kóre­tin shaq. О́kinishke qaraı, kóp jer­de aýylsharýashylyq ónimderi­niń baǵa­syn deldaldar tym kóterip jibe­retini, ózimizdiń kókónisimiz ben kartobymyz óńdelmeı, syrt­qa arzan baǵaǵa tonnalap satylyp ketetini qyn­jyl­­ta­dy. О́ńirge óńdeý óner­kásipteri aýadaı qajet. Osy máselelerdiń túıinin tar­qatýǵa Qasym-Jomart Kemeluly kóńil bólse eken degen tilegimiz bar.

Kezdesý sońynda aldaǵy pre­zı­d­enttik saılaýdyń ádil ári ashyq ótetinine Mem­leket basshysy retin­de kepil­dik bere kelip, elimiz­de júr­gizilip jatqan refor­malardyń áleý­mettik negizin qalyptastyratyn qoǵam­dyq-saıası kúshterdiń iri koalı­sııasynyń atynan saılaýǵa qatys­qanym durys bolady dep túıin­degeni de Prezıdentimizdiń kemel oılaı biletindigin dáleldese kerek. Menińshe, týǵan halqynyń jaǵ­daıy­men sanasqan el basshysy bir ǵana saıası kúshtiń, bir ǵana partııanyń baǵyt-baǵdarymen júrmeýi kerek. Sondyqtan óz basym Qasym-Jomart Toqaevtyń bul ustanymyn, onyń bizdiń oblysqa qatysty aıtqan basymdyqtary men tapsyrmalaryn tolyq qoldaıtynymdy aıtqym keledi.

Ǵalymbek JUMATOV,

jazýshy, «Qurmet» ordeniniń ıegeri

Pavlodar oblysy