Qazaqstan Respýblıkasy Úkimetiniń qaýlysy №366

2014 jylǵy 17 sáýir, Astana, Úkimet Úıi «Densaýlyq saqtaý salasyndaǵy akkredıtteý erejesin bekitý týraly» Qazaqstan Respýblıkasy Úkimetiniń 2009 jylǵy 12 qazandaǵy №1559 qaýlysyna ózgerister men tolyqtyrý engizý týraly Qazaqstan Respýblıkasynyń Úkimeti qaýly etedi: 1. «Densaýlyq saqtaý salasyndaǵy akkredıtteý erejesin bekitý týraly» Qazaqstan Respýblıkasy Úkimetiniń 2009 jylǵy 12 qazandaǵy №1559 qaýlysyna (Qazaqstan Respýblıkasynyń PÚAJ-y, 2009 j., №42, 408-qujat) mynadaı ózgerister men tolyqtyrý engizilsin: kórsetilgen qaýlymen bekitilgen Densaýlyq saqtaý salasyndaǵy akkredıtteý erejesinde: 8-tarmaq mynadaı redaksııada jazylsyn: «8. Densaýlyq saqtaý sýbektileriniń qyzmetine táýelsiz saraptamalyq baǵalaýdy júrgizýge akkredıtteýden ótý kezinde jeke tulǵalar akkredıtteýshi organǵa mynadaı qujattardy: 1) ýákiletti organ bekitken mamandyqtar nomenklatýrasyna sáıkes málimdelgen akkredıtteý salasyn kórsete otyryp, akkredıtteýshi organ bekitken nysan boıynsha akkredıtteýden ótýge arnalǵan ótinishti; 2) jeke kýáliginiń kóshirmesin; 3) joǵary kásiptik medısınalyq nemese farmasevtıkalyq bilimi týraly dıplomnyń kóshirmesin; 4) eńbek kitapshasynyń kóshirmesin nemese osy Erejeniń 8-1-tarmaǵynyń 1), 2) nemese 3) tarmaqshalaryna sáıkes jumys ótilin rastaıtyn ózge de qujatty; 5) osy Erejeniń 8-1-tarmaǵynyń ekinshi, úshinshi bólikterindegi talaptardy eskere otyryp (klınıkalyq praktıkany jáne farmasevtıkalyq qyzmetti júzege asyratyn mamandar úshin) biliktilikti arttyrý jáne (nemese) qaıta daıarlaý týraly qujattardyń kóshirmelerin; 6) birinshi nemese joǵary biliktilik sanattarynyń berilgeni týraly sertıfıkattardyń kóshirmelerin (klınıkalyq praktıkany júzege asyratyn mamandar úshin); 7) ǵylymı dárejeleriniń, ataqtarynyń (bar bolsa) týraly qujattardyń kóshirmelerin usynady.»; mynadaı mazmundaǵy 8-1-tarmaqpen tolyqtyrylsyn: «8-1. Densaýlyq saqtaý sýbektileriniń qyzmetine táýelsiz saraptamalyq baǵalaý júrgizý úshin akkredıtteýden ótýge: 1) densaýlyq saqtaý salasyndaǵy memlekettik organdarda nemese medısınalyq kórsetiletin qyzmetter jáne (nemese) dárilik zattardyń, medısınalyq maqsattaǵy buıymdardyń nemese medısınalyq tehnıkanyń aınalysy salasyndaǵy sapa saraptamasyn júzege asyratyn densaýlyq saqtaý uıymdarynda; 2) medısınalyq nemese farmasevtıkalyq bilim berý (ǵylymı- pedagogıkalyq quramda) uıymdarynda; 3) kásiptik medısınalyq (klınıkalyq praktıka) jáne (nemese) farmasevtıkalyq qyzmette keminde 7 jyl jumys ótili bar jeke tulǵalar jiberiledi. Osy tarmaqtyń 1), 2) tarmaqshalarynda kórsetilgen adamdardy qospaǵanda, akkredıtteý týraly kýálikti alǵash ret alýǵa úmitker adamdardyń sońǵy 2 jylda densaýlyq saqtaý salasyndaǵy bilim jáne ǵylym uıymdarynda saraptama júrgizý máseleleri boıynsha nemese saraptamalyq qyzmet negizderi boıynsha jalpy kólemi keminde 216 saǵat biliktiligin arttyrýy qajet. Osy tarmaqtyń 1), 2) tarmaqshalarynda kórsetilgen adamdardy qospaǵanda, akkredıtteý týraly kýálikti qaıta alýǵa úmitker adamdardyń sońǵy 5 jylda densaýlyq saqtaý salasyndaǵy bilim jáne ǵylym uıymdarynda tıisti jáne (nemese) medısınalyq kórsetiletin qyzmetterdiń sapasyn basqarý máseleleri boıynsha jalpy kólemi keminde 216 saǵat biliktiligin arttyrýy qajet.»; 13-tarmaq mynadaı redaksııada jazylsyn: «13. Akkredıtteýden ótken sýbektige akkredıtteýshi organ bekitetin nysan boıynsha akkredıtteý týraly kýálik 5 jyl merzimge beriledi.»; 15-tarmaq mynadaı redaksııada jazylsyn: «15. Medısınalyq uıymdar akkredıtteýden ótý úshin akkredıtteýshi organǵa mynadaı qujattardy: 1) akkredıtteýshi organ bekitken nysan boıynsha ótinishti; 2) medısınalyq jáne (nemese) farmasevtıkalyq qyzmetti júzege asyrý quqyǵyna qosymshasy bar lısenzııanyń kóshirmesin; 3) ózin-ózi baǵalaý nátıjeleriniń óz betinshe nemese táýelsiz sarapshylardy tarta otyryp júrgiziletin akkredıtteý standarttaryna sáıkestigine kóshirmeni usynady. Memlekettik zańdy tulǵalar jáne memleket qatysatyn zańdy tulǵalar zańdy tulǵa múlkiniń menshik ıesin nemese menshik ıesi ókilettik bergen organnyń ne oǵan quryltaı qujattarymen ókilettik berilgen zańdy tulǵa organynyń zańdy tulǵanyń mórimen bekitilgen medısınalyq uıymdar usynǵan aqparattyń durystyǵyna rastama usynady.». 2. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV.