Otyrysty ashqan Ulttyq ǵylym akademııasynyń prezıdenti, akademık Murat Jurynov aldaǵy Qazaqstan Respýblıkasy Prezıdentiniń saılaýyna Q.Toqaevtyń kandıdatýrasyn usyndy. Akademııa prezıdenti kirispe sózinde Memleket basshysynyń akademııalyq ǵylymǵa erekshe nazar aýdaryp otyrǵanyn atap ótti. «Prezıdent Q.Toqaev ǵylym ordasyna memlekettik mártebe berý qajettigin aıtty. Bul ǵalymdardyń el Prezıdentine degen rızashylyǵyn týdyrǵan, kópten kútken sheshim edi. Qasym-Jomart Kemeluly joǵary adamgershilikke, adamı izgi qasıetterge ıe. Dál osyndaı tulǵa Memleket basshysy bolýǵa ábden laıyq», dedi M.Jurynov.
Jıynda Ulttyq Ǵylym akademııasynyń vıse-prezıdenti Zarema Sháýkenova Prezıdent Q.Toqaevtyń aıryqsha quzyrettiligi men joǵary kásibıligin atap ótti. «Ol – máseleniń tereńine úńilip, kúrdeli jaǵdaılarda utymdy sheshim tabýdyń joldaryn izdeıtin adam. Q.Toqaev ózin erik-jigeri bar jáne quzyretti memleket qaıratkeri retinde kórsete bildi», dedi ol.
Fılosofııa, saıasattaný jáne dintaný ınstıtýtynyń bas dırektory, akademık Serik Seıdýmanov Memleket basshysynyń áleýmettik-saıası máselelerdiń daryndy analıtıgi retindegi kásibı quzyretin atap ótti.
Otyrysta sondaı-aq A.Baıtursynuly atyndaǵy Til bilimi ınstıtýtynyń bas ǵylymı qyzmetkeri, akademık Zeınep Bazarbaeva, Ulttyq Ǵylym akademııasynyń akademıkteri Mámbet Qoıgeldi, Qaırolla Rahımov, Zaırolla Dúısenbekov, Serǵazy Ádekenov, Vıacheslav Lokshın, Myrzakárim Alshynbaev, Darııakúl Qojamjarova, Ábdirasul Jarmenov, akademııanyń korrespondent-músheleri Talǵat Nurǵojın, Zııabek Qabyldınov, Lázzat Nurqatova, Fılosofııa, saıasattaný jáne dintaný ınstıtýtynyń saıası zertteýler ortalyǵynyń dırektory, saıasattanýshy Aıdar Ámirebaev, saıasattaný ǵylymdarynyń doktorlary Rústem Qadyrjanov, Iýrıı Býlýktaev, saıası taldaýshy Zamır Qarajanov kezekten tys prezıdent saılaýynda Memleket basshysy Q.Toqaevtyń kandıdatýrasyn qoldaý týraly pikirlerimen bólisti.
Jıyn qorytyndysynda akademııa prezıdenti Murat Jurynov: «Barlyq jan-jaqty jáne tereń reformalar baǵdarlamasy jalpyulttyq referendýmda maquldanǵan Konstıtýsııaǵa túzetýlerden jáne Prezıdenttiń 2022 jylǵy 1 qyrkúıekte Qazaqstan halqyna Joldaýynda aıtylǵan irgeli bastamalarynan bastaldy. Qasym-Jomart Kemeluly usynǵan jáne qoǵam qoldaýyna ıe bolǵan merziminen buryn prezıdenttik saılaýdyń maqsaty – Qazaqstannyń jańa serpilisine jaǵdaı jasaý, sybaılas jemqorlyqty, jumyssyzdyqty joıý, halyqtyń ál-aýqatyn jaqsartý», dedi.
Daıyndaǵan
Oralhan AHMADIIа,
«Egemen Qazaqstan»
