Jyl basynan beri tek ózgeristerge ǵana emes, sondaı-aq prezıdenttik jáne partııalyq saılaý platformalarynda olardy júıeli túrde rásimdeýge degen qajettilik aıqyndaldy. Ol úshin jańa prezıdenttik jáne parlamenttik saılaý jarııalandy.
El ishindegi saıası alańda Qazaqstannyń aıqyn ózin-ózi anyqtaýy, bolashaq Prezıdenttiń halyq birliginiń kepili retindegi is-qımylynyń aıqyn baǵdarlamasy reformalardy odan ári dáıekti jáne turaqty iske asyrý úshin halyqtyń suranysyn qanaǵattandyrýǵa tıis.
Konstıtýsııalyq saılaý talaptaryna saı keletin úmitkerlerdiń el damýyna qatysty óz kózqarasyn usynýǵa múmkindik týyp otyr. Qoǵamdyq birlestikter jaǵdaıdyń ózindik monıtorıngine, derekterdi taldaýǵa súıene otyryp, halyqtyń múddelerin artıkýlıasııalaý úshin óz kóshbasshylaryn usyna alady. Bul elektoraldyq belsendilikti kórsetýdiń jaqsy múmkindigi.
Jyl basynan beri keıbir sarapshylar boljap otyrǵan prezıdenttik saılaý Qazaqstandy jańa tarıh kezeńine túpkilikti shyǵaryp, ádil memleket qalyptastyrýǵa baǵyttalǵan.
Bıylǵy joldaýlarda jáne referendýmda qabyldanǵan qadamdarda qazirgi bıliktiń negizgi baǵyttary belgilengen. Olar saılaýda jeńiske jetken jaǵdaıda bılik dál sol qadamdardy ustanýǵa nıetti. Bul – ótken tájirıbe men bolashaqtyń syn-qaterlerin eskere otyryp, Qazaqstannyń saıası jáne áleýmettik-ekonomıkalyq damýyna baǵyttalǵan qadam.
Infografıkany jasaǵan Amangeldi Qııas, «EQ»
Tatıana LIPINA,
Prezıdent janyndaǵy QSZI aǵa ǵylymı qyzmetkeri
