Jaqynda Almaty oblysynyń Qarasaı aýdanynda 6 balasy bar áıelge belgisiz bireý álimjettik jasap, ólimshi etip sabaǵany jaıynda habar tarady. О́kinishtisi, tártip saqshylary bul oqıǵaǵa qatysty qatań shara qoldanýdy jaǵdaı áleýmettik jelide jarııa bolǵannan keıin ǵana qolǵa alǵan kórinedi. Keıinnen aýdandyq polısııa basqarmasy 6 balanyń anasyn zorlamaq bolǵan jáne ólimshi qylyp sabaǵan adamnyń bostandyqta júrgeni týraly jazbaǵa baılanysty túsinikteme berdi.
– Polısııa basqarmasynyń kezekshi bólimine Qarasaı aýdany, Qaskeleń qalasy aýrýhanasynyń jansaqtaý bólimine 35 jastaǵy áıeldiń aýyr jaraqatpen túskeni týraly aqparat tústi. Bul derek Qylmystyq kodekstiń 106-babynyń 1-bóliminde kózdelgen qylmystyq quqyq buzýshylyq belgileri boıynsha tirkeldi. Júrgizilgen jedel izdestirý is-sharalarynyń nátıjesinde 23 jastaǵy kúdikti aýdandyq polısııa basqarmasyna jetkizildi, – dep habarlady aýdandyq polısııa basqarmasynyń ókili.
Qazir bul qylmystyq is boıynsha barlyq qajetti tergeý áreketteri júrgizilip jatyr. Kináli sózsiz sazaıyn tartady degen senimdemiz.
Jalpy, bıyl aımaqta turmystyq zorlyq-zombylyqqa ushyraǵan áıelder men balalardyń sany azaımaı otyr. Jyl basynan beri 39 adam Ákimshilik kodekstiń 461-baby boıynsha jaýapkershilikke tartylsa, zańnyń 73-babyna sáıkes azamattar polısııaǵa 1 311 ret aryz-shaǵym qaldyrǵan eken. Atalǵan aryzdardy qarastyrý nátıjesinde 435 azamat ákimshilik qamaýǵa alynyp, 298 azamatqa eskertý jasalǵan. Sondaı-aq eki taraptyń tatýlasýyna baılanysty 578 is toqtatylǵan kórinedi.
– О́tken 7 aıda óńirde 45 qylmys tirkeldi. Bul qylmystyq isterdi zertteý nátıjesinde 31 qylmys adamdardyń ishimdikke sylqııa toıyp alyp, mas kezinde jasalǵany belgili boldy, – deıdi oblystyq polısııa departamentiniń ókili.
Aıtpaqshy, oblys tártip saqshylary áldiden álimjettik kórgen áıelder men balalardy Almaty qalasyndaǵy ana men bala quqyǵyn qorǵaıtyn ortalyqqa jetkizedi eken. Jyl basynan beri polısııanyń kómegine júgingen 30 áıel men 91 bala osy ortalyqty panalaǵan.
Almaty oblysy
