«Koronavırýstyq pandemııa jyldarynda shekteý sharalaryna baılanysty aýyl turǵyndaryna mamandandyrylǵan medısınalyq kómektiń qoljetimdiligi tómendedi. Osyǵan baılanysty aýrýlardy erte anyqtaý jáne der kezinde emdeý úshin aýqymdy profılaktıkalyq tekserýler engizilýde. 15 qyrkúıekten bastap Qaraǵandy oblysynyń Abaı aýdanynyń, Aqmola oblysynyń Arshaly aýdanynyń jáne Almaty oblysynyń Eńbekshiqazaq aýdanynyń ortalyq aýdandyq aýrýhanalarynda pılottyq joba júrgizilýde. Endi 20 qazannan bastap búkil el boıynsha aýyldarda profılaktıkalyq tekserýler júrgiziledi», dedi mınıstr Úkimet saǵatynda.
Onyń aıtýynsha, profılaktıkalyq tekserýler júrek-qantamyr júıesi aýrýlary, qant dıabeti, asqazan men búırek sozylmaly aýrýlarynyń bastapqy kezeńderin anyqtaýǵa baǵyttalǵan.
Densaýlyq saqtaý mınıstrliginiń basshysy sondaı-aq 18 jasqa deıingi balalarǵa zerthanalyq zertteýdiń qosymsha jalpy klınıkalyq ádisteri engizilgenin aıtty.
«Ambýlatorlyq deńgeıde qalalyq jáne aýyldyq naýqastardy birdeı tegin qamtamasyz etý úshin jaǵdaılar jasaldy. Dárilik zattar ambýlatorııalyq-emhanalyq dári-dármekpen qamtamasyz etýdiń biryńǵaı tizbesi boıynsha qamtamasyz etiledi. Aýyldyq jerde dáriger bolmaǵan jaǵdaıda feldsher tegin resept jazyp berýge quqyly. Dárihanasy joq aýyldyq eldi mekenderde dári-dármekti medısınalyq qyzmetker alǵashqy medısınalyq-sanıtarlyq kómek kórsetý mekemeleri arqyly, sondaı-aq jyljymaly dárihana pýnktteri arqyly tegin jiberedi», dep tolyqtyrdy mınıstr.
Jansaıa ÁNÝAR
