Sharanyń maqsaty – qarqyndy terapııadaǵy gemokorreksııanyń ekstrakorporaldy ádisterin damytý joldaryn qarastyrý jáne ózara tájirıbe almasý. Konferensııa jumysyna osy saladaǵy jetekshi mamandar men sarapshylar, Ońtústik Koreıa, Qytaı, Reseı jáne Qazaqstan nefrologtary men anestezıolog-reanımatologtary qatysty.
QR PIB Medısınalyq ortalyǵynyń basshysy Sáýle Kısıkova, «Anestezıologtar jáne reanımatologtar federasııasy» RQB prezıdenti Erǵalı Mıerbekov, «Astana medısına ýnıversıteti» KeAQ ǵylymı jumys jáne strategııalyq damý jónindegi prorektory Vıtalıı Koıkov konferensııanyń qatysýshylary men qonaqtaryn ashylýymen quttyqtap, sáttilik tiledi.
Konferensııa sheńberinde sondaı-aq ekstrakorporaldy gemokkoreksııa salasyndaǵy dárigerlerge, anestezıolog-reanımatologtarǵa, nefrologtarǵa arnap sheberlik synyptary uıymdastyryldy.
Is-shara qorytyndysy boıynsha dóńgelek ústel barysynda qatysýshylar qarqyndy terapııadaǵy ekstrakorporaldy detoksıkasııanyń zamanaýı ádisterin, saladaǵy jetistikter men problemalardy talqylady.
Aıta keteıik, konferensııany Densaýlyq saqtaý mınıstrliginiń qoldaýymen QR PIB Medısınalyq ortalyǵynyń aýrýhanasy, «Anestezıologtar jáne reanımatologtar federasııasy» respýblıkalyq qoǵamdyq birlestigi jáne Respýblıkalyq ekstrakorporaldy gemokorreksııa mamandarynyń qoǵamy birlesip uıymdastyrdy.
