«Aýyldaǵy nysandarǵa túgendeý júrgizilip, nátıjesinde 200-den astam eldi mekende medısınalyq pýnkt joq, 400-ge jýyq aýylda medısınalyq mekemeler jalǵa alynǵan nemese apatty, beıimdelgen ǵımarattarda ornalasqan», dedi Ajar Ǵınııat Úkimet saǵatynda.
Aıtýynsha, aýyldardaǵy medısınalyq ınfraqurylymdardyń jartysynan kóbiniń tozyǵy jetken. Sondaı-aq aýyldarda maman tashylyǵy kórinis tabýda – 1,7 myńnan astam medısına qyzmetkeri, onyń ishinde 1 myńnan astam dáriger, 734 medbıke jetispeıdi.
Aýyl turǵyndary arasynda tynys alý organdary aýrýlary jıi kezdesedi. Ol – 42,7% qurasa, bul 100 000 turǵynǵa shaqqanda 17164,4 adam dep kórsetti.
Qazaqstandaǵy aýyldyq densaýlyq saqtaýdyń taǵy da basqa problemalary – baqylaý dınamıkasynyń sapasynyń tómendigi, konsýltasııalyq-dıagnostıkalyq qyzmetterdiń tómen qoljetimdiligi.
«Sonymen qatar sozylmaly dertke shaldyqqan naýqastardy qymbat dári-dármekpen qamtamasyz etý – qala turǵyndaryna qaraǵanda aýyl turǵyndary arasynda eki ese az. Birqatar aýylda dárihana joq», dedi Densaýlyq saqtaý mınıstri.
Jansaıa ÁNÝAR
