Azııadaǵy ózara yqpaldastyq jáne senim sharalary jónindegi keńestiń 4-sammıti ashyldy

ASTANA. 21 mamyr. Búgin Shanhaıda Azııadaǵy ózara is-qımyl jáne senim sharalary keńesiniń kezekti sammıti bastaldy. Oǵan Memleket basshysy Nursultan Nazarbaev qatysýda. Bul týraly egemen.kz tilshisi habarlady. Bul aýqymdy sharaǵa Qazaqstan, Reseı, Ázerbaıjan, Iran, Pákistan, Qyrǵyzstan, О́zbekstan, Tájikstan, Aýǵanstan, Mońǵolııa, Shrı-Lanka memleketteriniń basshylary jáne Kambodjanyń premer-mınıstri, BUU-nyń bas hatshysy keldi. Sondaı-aq, bulardyń qatarynda 10 halyqaralyq uıymnyń jetekshileri bar. Shahtadaǵy kenshilerdiń qaza bolýyna baılanysty Túrkııa Prezıdenti Abdýlla Gúl sammıtke kele almady. Onyń ornyna Túrkııa Syrtqy ister mınıstri qatysýda. Azııadaǵy ózara is-qımyl jáne senim sharalary keńesiniń 4-sammıti qarsańynda, ıaǵnı, keshe Qytaı halyq respýblıkasynyń tóraǵasy Sı Szınpın resmı qabyldaý uıymdastyrdy. Esterińizge sala keteıik, búginde Azııa aýmaǵy men 26 múshe-memlekettiń basyn biriktirip otyrǵan Azııadaǵy ózara is-qımyl jáne senim sharalary keńesin qurý týraly bastamany Prezıdent Nursultan Nazarbaev 1992 jyly BUU-nyń Bas Assambleıasynyń 47-sessııasynda jarııa etken. Joldybaı Bazar. Derekkóz: egemen.kz. Foto: Facebook.com.