«Memleket basshysynyń shaqyrýymen 15 qazanda Túrikmenstan Prezıdenti Serdar Berdimuhamedovtyń Qazaqstandaǵy alǵashqy memlekettik sapary ótedi. Sapar eki el arasyndaǵy dıplomatııalyq qarym-qatynastyń ornaǵanyna 30 jyl tolatyn jyly ótýde. Bul sapar saıası, saýda-ekonomıkalyq, kólik-tranzıttik, mádenı-gýmanıtarlyq yntymaqtastyqty, sondaı-aq Qazaqstan-Túrkimenstan strategııalyq áriptestigin nyǵaıtýǵa baǵyttalǵan», dedi Aıbek Smadııarov jýrnalısterge arnalǵan brıfıngte.
Resmı ókildiń aıtýynsha, sapar barysynda taraptar keń aýqymdy máselelerdi, sondaı-aq óńirlik jáne halyqaralyq kún tártibindegi ózekti máselelerdi talqylaýdy josparlap otyr. Shara nátıjesinde birqatar ekijaqty qujatqa qol qoıý josparlanýda.
