2016 jylǵa deıin elimizden Reseıge 60 myń tonna et eksporttalady

ASTANA. 21 mamyr. Eýrazııalyq ekonomıkalyq keńistik Qazaqstanǵa ekonomıkalyq qolaıly jaǵdaı týǵyzýda. Bul týraly «24kz» habarlady. Eýrazııalyq ıntegrasııa bizdiń kásipkerlerimizge jańa múmkindikter ashyp berýde. Sózimizdiń dáleli retinde qazirgi tańda elimizden syrtqy naryqqa 700-den astam taýar túri eksporttalyp jatqanyn aıtýǵa bolady. Ásirese, otandyq ónimderimiz keıingi ýaqytta Reseı naryǵyna erkin ene bastady. Olardyń qatarynda aýylsharýashylyǵy ónimderiniń úlesi molyraq. «QazAgro» ulttyq holdıngi» aksıonerlik qoǵamy basqarmasy tóraǵasynyń orynbasary Qaırat Aıtýǵanovtyń aıtýynsha, 2013 jyly Reseı men Belarýs elderine bizden quny 1 mıllıard dollardan astam taýaryn eksporttalǵan. Al 2016 jylǵa deıin Reseıge 60 myń tonna et eksporttaý josparlanýda. Budan bólek, Qazaqstannyń agrarlyq saladaǵy eksportynyń kólemi jyl ótken saıyn arta túsýde.. Qaırat Aıtýǵanov: «Ulttyq iri jobalar sheńberinde 2016 jylǵa deıin Reseı naryǵyna 60 myń tonna et eksporttaý kózdelýde. Munyń 10 myń tonnasyn bıyl jiberemiz. Osy jumystarǵa baılanysty Reseı jáne Belarýs elderimen birlesken mekemeler quryp ústindemiz», – dedi. Sondaı-aq, ol búginde 100 myń tonna et, kókónis jáne jıdek Qytaıǵa jiberilip jatqanyn jetkizdi. Resmı málimetterde aıtylyp júrgendeı, Qazaqstan, Reseı men Belarýstyń jalpy ishki ónimi shamamen 2 trıllıon AQSh dollaryn quraǵan. Al olardyń óndiristik áleýeti 600 mlrd. aýylsharýashylyǵy ónimderin óndirý kólemi 112 mlrd. dollarǵa jýyqtaǵan. Al jalpy tutyný naryǵy 165-170 mıllıon adamdy qamtyp otyr. Joldybaı Bazar. Derekkóz: «24kz». Foto: specagro.ru.