Jastarǵa artylar júk aýyr

Túrkistan oblysy Maqtaaral aýda­nynda ótken is-sharaǵa Qazaqstan halqy Assambleıasy Tóra­ǵasynyń orynbasary – Qazaqstan Respýb­lı­kasy Prezıdenti Ákimshiligi Qazaqstan halqy Assambleıasy Hatshylyǵynyń meńgerýshisi Marat Ázilhanov, Tájik­ter­diń respýblıkalyq etno­má­­denı or­talyǵynyń tóraǵasy Akbarjan Ismaılov, etnomádenı or­ta­lyqtyń bar­lyq aımaqtaǵy fılıal tóraǵalary men músheleri qatysty.

Is-sharanyń maqsaty – etnos­tar tyǵyz qonystanǵan jerlerde jas­tar­dyń áleýmettik máselesin sheshý, mem­le­ket­tik baǵdarlamalardy jú­ze­g­e asyrý. Forýmǵa qatysýshylar et­nos­tyq tegine qaramastan qazaq j­e­rin­de týǵandaryn maqtan tutatyn­da­ryn, Qa­zaq­stannan basqa Otany joq ekenin atap ótti.

Jastarǵa artylar júk, olardan kúter nátıje kóp. Basqosýda dostyq, syılastyq, tatýlyqty ny­ǵaı­tý baǵy­tyn­da tushymdy oılar aıtyldy. Pre­zı­denttiń Joldaýda basymdyq bergen baǵyt­ta­ryn talqylady.

«Eldiń erteńi – jastar. Memleket bas­shysy stýdentterdiń barlyq má­se­lesin Joldaýda nazardan tys qal­­dyr­mady. Jataqhana, oqý aqysy, oqý oryndaryna talaptyń kúsheıetinin atap ótti. Munyń barlyǵy jastardyń bo­la­shaǵy úshin jasalyp jatqan qa­damdar. Birligimiz bekem bolyp, eldiń damýyna judyryqtaı jumylyp atsalysaıyq», dedi M.Ázilhanov.

Forýmda «Assambleıa jastary» respýblıkalyq qoǵamdyq birlestiginiń tóraǵasy T.Jumyrbaev, M.Áýezov atyndaǵy Ońtústik Qazaqstan mem­leket­tik ýnıversıtetiniń prorektory R.Ábisheva, «Tájikterdiń res­pýb­lıkalyq etnomádenı ortaly­ǵy» respýblıkalyq qoǵamdyq bir­les­ti­gi Jastar qa­natynyń tóraǵasy B.Hıdırov sóz sóılep, jas­tar­ǵa motı­va­sııalyq keńesterin aıtty. Ozyq oıly, básekege qabiletti bolýy úshin jastardyń sapaly bilim alýy mańyz­dy­lyǵyna toqtaldy. Árqaısysy óz tájirıbesimen bólisti, jetistikke jetýdiń joldaryn kór­setti.

«Biz – Kók Týdyń astynda berekeli birlik pen tatý tirlikti qalyp­tas­tyr­ǵan, bolashaǵy jarqyn ha­lyq­pyz. Osy sózdi jıi aıtamyz. Menińshe, «qazaq eline qaryzdarmyz, qınal­ǵan­da bir úzim nanyn bólisti», degen jattandy uran ispettes. Al­ǵy­symyzdy osyndaı keleli ispen dálel­dep, bar­lyǵymyz atsalysyp, bir­liktiń bekemdigin kór­seteıik», dedi Tájikterdiń respýblıkalyq et­no­mádenı ortalyǵynyń tóraǵasy Akbarjan Ismaılov.

Alǵash ret uıymdastyrylǵan forýmnan jastar aıtarlyqtaı jiger aldy, aldaǵy mindetti judyryqtaı jumylyp atqarýǵa ýaǵdalasty.

Túrkistan oblysy