Serikbaı Qusaıynov 1937 jyly qazan aıynda Jambyl aýdanyndaǵy Baıan aýylynda ónerpazdar otbasynda ómirge kelgen. Ákesi Bárı saýda salasynda qyzmet istegenimen ónerge jaqyn, balalaryn da án-kúıge baýlýmen aınalysqan jan eken. Kópbalaly bolǵanyna qaramastan dombyranyń birneshe túrin satyp alyp, otbasylyq ansambl de qurǵan.
Abzal aǵamyz ótken ǵasyrdyń 50-shi jyldarynyń aıaǵynda ultymyzdyń arda uldarynyń biri – Ilııas Omarov obkomnyń hatshysy bolǵanda mýzykalyq ýchılıshede ashqyzǵan dombyra kýrsynda bir jyl oqıdy. Bul kýrs Ilııas Omarov ketken soń jabylyp qalady. Sodan Serikbaı ýchılısheni 2 myń shaqyrym jerdegi Shymkent qalasyna baryp bitirýge májbúr bolady. Kásibı bilim alǵannan keıin ol dombyrany oblys kóleminde taratýǵa bar kúsh-jigerin salady. Qazaq mektep-ınternatynyń janynda dombyra kýrsyn júrgizip, talantty balalardan orkestr de qurady. Ol kezdegi úlken jınalystardan keıingi konsertterde qazaqshaǵa kóp degende eki nómir ǵana beretin. Sondaı nómirlerdiń birine Sekeńniń orkestri de iligip, bir kúı oryndaıdy. Ulttyq qundylyqtarymyzǵa qumartyp júrgen qazaqtar arasynan sol kezdegi odaqtyq baǵynystaǵy «Soıýzselıvod» tresiniń úzdiksiz 25 jyl basqarýshysy bolǵan Qattaı Kenshinbaev aǵamyz Sekeńdi ózine shaqyryp, onyń orkestrine qajetti aspaptardyń bárin áperip, sahnalyq kıimderge deıin tiktirip beredi. Osy qamqorlyqtyń arqasynda orkestr uzaq jyldar boıy eldi mekenderdi aralap, konsertter qoıyp, kúı óneriniń Qyzyljar óńirinde úzilmeýine ólsheýsiz úles qosty. Sonymen birge Serikbaı aǵaı mýzykalyq ýchılıshe men ınternatta talantty balalarǵa dombyra tartýdy úıretýden de jalyqpady. Onyń 200-den artyq óner qýǵan órenderi bar. Sol jyldarda qala kóshelerinde dombyra ustap júrgen jalǵyz Serikbaı Qusaıynov qana bolatyn.
Kezdesý keshine halyq kóp jınaldy. Aldymen S.Muqanov atyndaǵy ámbebap kitaphana men halyq atynan Sekeńniń ıyǵyna shapan jabyldy. О́zi uzaq jyldar boıy qyzmet istegen qazirgi Á.Dosmuhambetov atyndaǵy daryndy balalarǵa arnalǵan gımnazııa-ınternat dırektorynyń orynbasary Jaqsylyq Kókenqyzy ujymdarynyń atynan syı-sııapat jasady. Serikbaı Qusaıynov aǵamyz 60-70 jyldarda qazaq óneriniń tamyryn úzgizbeı júrgende sportta da qazaq kúresiniń dańqyn asyryp, atoı salyp KSRO sport sheberi ataǵyn oblysta birinshi bolyp alǵan Jambyl Tasemenov aǵamyz da quttyqtap, sol kúnderden estelikter aıtyp mereıger arqasyna shapan japty. О́ńirimizdiń tanymal azamaty, tarıhshy ǵalym Zarqyn Taıshybaı da óziniń ózekjardy pikirin bildirdi.
Bıylǵy qańtar aıynda Serikbaı Qusaıynov týraly el gazeti «Egemenge» de jazylyp, ondaǵy aıtylǵan dúnıelerdi eskergen oblys ákiminiń sol kezdegi orynbasary Ǵanı Nyǵmetovtiń kúsh salýymen aǵamyzǵa oblystyń Qurmetti azamaty ataǵy berilgen. Al Sekeń Bilim mınıstrligi tarapynan beriletin vedomstvolyq marapattardyń bárin de alǵan. Byltyr «Asyl mura» ortalyǵynyń jetekshisi Ahmetjan Qýantaevtyń kómegimen «Kúı qudiret» atty jınaq ta shyqty. Sondyqtan Serikbaı aǵaıdyń eńbegi qazir baǵalanyp keledi. Degenmen memleket tarapynan bir marapat berilse artyq bolmas edi degen pikirdi jınalysqa qatysqan kóptegen adamdar aıtty. Sonyń ishinde qart ustaz Qaraqat Shalabaev jyl saıyn oblysta Serikbaı Qusaıynov atyndaǵy kúıshiler konkýrsy ótkizilip tursa degen de oryndy pikir aıtty.
Kezdesý keshinde eńbek ardagerleri Tilek Ábdirahmanov, Amandyq Jantemirov, Qoshan Qalı, Maıra Turǵynqyzy, belgili jýrnalıst Aıgúl Ysqaqova jáne basqalary estelikter aıtyp, aqyndar Maral Zeınelǵabıqyzy, Samrat Qusken, Ǵalymjan Nurpeıisov, Qubaıdolla Báıimbet, Aıdarbek Bulanov, Sekeńniń qaryndasy Kúlbara, nemeresi Dıas óleń oqyp, án, kúı oryndap, kezdesý keshin shattyqqa bóledi. Jıyndy Serikbaı aǵamyz ben onyń ómirlik serigi Naǵıma apaı qorytyndylap, jınalǵandarǵa alǵysyn jetkizdi. Sóıtip qyzyljarlyqtar bul keshten mol rýhanı lázzat alyp qaldy.
PETROPAVL
