Alaıaqtardyń aıla-amaly qyryq shańyraqty shaıqaltty

Júıkesi álsiz adamdardyń muny oqymaı da qoıǵany durys pa deımiz. О́ıtkeni, bir adamnyń aıla-amaly sonsha jurttyń taǵdyryn oıynshyqqa aınaldyryp, aqyr aıaǵynda birneshe beıkúná jandy taqyrǵa otyrǵyzýy múmkin dep kim oılaıdy? Kóptegen adamdy zar qaqsatqan alaıaqtyń búldirgen áreketin jáne oǵan qoǵamnyń atyna kir kel­tirýge «kómek kórsetken» «qamqor­shy­lar­dyń» isin túgel baıandap shyǵý múmkin emes. Bireýler mundaılar kóp jáne olarǵa dem berip, aıdap salyp qoıý­shylar odan da kóp deıdi. Solaı ekeni de ras. Degenmen, bizdiń qoǵamda adal adamdar da kóp ekenin eskergen jón. Adal adamdar bılikke kelse, aramdardyń joly qysqara tú­sedi. Mine, sony eskergendikten bul oqıǵa ózgelerge sabaq bolsa, ári tıisti mekemeniń jaýapty shen­di­leri aldaǵy kezeńde mundaı ke­leń­­sizdiktiń qaıtalanbaýy úshin qo­ry­tyndy shyǵara bilse degen úmit bar. Sonaý bir kezderi, ıaǵnı 2001 jyldyń kókteminde Uly Otan soǵysynyń ardageri Q.Myńjanovqa Astana qalasy ákimdiginiń qaýly­sy­men «Ońtústik-Shyǵys» shaǵy­n aý­dany 24 «B» oram, №51 telimdi paıdalanýǵa 10 sotyq jer beriledi. Ol kezde Uly Otan soǵysynyń ardageri Qalıhan qarııa osy bir jer teliminiń uly men nemeresine qandaı tosyn syı syılaıyn dep turǵanyn qaıdan ǵana bilsin. Bilse, almaı-aq qoıar ma edi. Biraq el bolǵan soń tártip bar, tártipti qadaǵalaıtyn quqyq qorǵaý organdary bar dep senedi ǵoı. Áıtse de dúnıejúzi elderiniń belin qaıystyrǵan sum soǵys janyn jabyrqata almaǵanda, táýelsizdik tusyndaǵy óz eliniń júgermekteri toq­sandaǵy jasyna qaramaı ja­nyn ońdyrmaı jaralaıdy dep kim oılaǵan. Ol kezde tek jalǵyz jany jaralanǵan osy Qalıhan qarııa ma eken, talaılar aldanyp qal­ǵandaryn bilgende, opynyp sandaryn soqty. Keıbireýleri shydaı almaı kúıikten júnjip ketti, bireýler óz-ózderine qol jumsady, endi berýleriniń sútteı uıyǵan otbasy tynyshtyǵy buzylyp, sha­ńyraqtary opyryldy. Al olardy taqyrǵa otyrǵyzǵandardyń murty da qısaıǵan joq, qaıta odan ári maılanyp, mıyqtarynan kúlgen kúıi kelesi bir jemtikterin izdep áli otyrǵan kórinedi. Sóıtip, Qalıhan qarııa jer telimin alǵan soń, onda uly Berik Myńjanov ádemi úı turǵyzady. Uly Otan soǵysy ardageriniń qýanyshynda shek bolmaıdy. Alǵan jer telimine úı turǵyzylyp, uly bala-shaǵasymen qonystanǵanyn kórgen soń jasy jetken qarııa da dúnıeden ozady. Budan keıin Berik Myńjanov jerúıdi satyp, er jetip qalǵan bala­lary­na kópqabatty úıden jaıly páter al­maq­shy bolady. Atshaptyrym jer­­ge keń saraıdaı úı salynyp tur­­­ǵanyn kórgen jurt birinen soń biri saýdalasýǵa umtylady. So­lar­­­dyń biri retinde V.Muqanova da habarlasady. Al ol anaý-mynaý emes, sol kezdegi qu­ry­­lys kompanııasynyń bildeı dı­rek­torynyń ózi eken. Mundaı aty dar­daı qurylys kompanııasynyń dırektory ataný úshin de qolda mem­­­lekettik bılik ókilderi tek­serip bergen arnaıy ruqsat qu­jat­tar bolýy kerek. Jáne ol sol kez­degi elordadaǵy jańbyrdan ke­ıin­gi sańyraýqulaqtaı qaptap paıda bolyp jatqan qurylys ǵımarat­taryndaı, birneshe qurylysty bastap ketkenin de jetkizedi. B.Myńjanov alǵashqy ekpin senim­diligine úmit artsa da, is júzinde kóreıin dep qurylys basyna keledi. Rasynda álgi JShS bir bes qabatty úıdi turǵyzyp, tipti, aıaqtaýǵa taıap qapty. Buǵan aqsha­laryn erterek salǵan úleskerler de baspanaly bolamyz dep senimdi júrgen sekildi. Basqa áńgime estilmeıdi. Alaıda, osy kezde B.Myńjanov qurylys alańyna kelip-ketip júrgen kóp­te­gen adamdar qarasyn baıqap, sodan kúdiktengendeı bolady. Son­shama adamǵa bul bes qabatty úıden qalaısha bárine jeterlikteı páter berilmek degen bir tosyn oı ke­ledi. Biraq B.Myńjanov oǵan sol kez­de onsha mán bere qoımaıdy. Onyń ústine balalarynyń týǵan ana­sy emes, keıingi alǵan áıeli JShS dırektory V.Muqanovamen kádimgideı jaqyn tanysyp alady. Buǵan qolaıly sáttiń týǵanyn kúnde aıtyp, úıdi tezirek satyp, bólek shyqqandy jón kóredi. Sondyqtan úıdi sataıyq, bólek shyǵaıyq dep qaqsap qoımaǵan áıeli Gúlaıymǵa senimhat jazyp beredi. Al V.Mu­qanova bolsa, osy sátti sheber paıda­la­nyp, joǵaryda atalǵan, ıaǵnı salynyp jatqan bes qabatty úıden olarǵa eki bólmeli páter bermek bolyp qujattar daıyndaıdy. Tek ol úshin áýeli B.Myńjanovtyń úıin ózi satýy kerek eken. Sóıtip, qaı­ran B.Myńjanovtyń úıin sol kez­degi naryq baǵasymen 21 600 009 (jıyrma bir mıllıon alty júz myń toǵyz) teń­­ge­ge baǵalaıdy. Ol kezde 1 myń AQSh dollary 120000 teńgege teń edi. B.Myńjanovqa dep salynyp jatqan bes qabatty úıden berile­tin páterdiń quny 9 600 009 (toǵyz mıllıon alty júz myń toǵyz) teńge bolyp beki­tiledi. Al jer úıdiń qalǵan aq­shasyn ol satylysymen V.Muqanova Gúlaıymǵa qaıtaryp beretin bolyp ekeýara kelisedi. Bul jaıdan Berik Myńjanov beıhabar bolatyn. Osyǵan kelisken soń qolyn­da senimhaty bar Gúlaıym men V.Muqanova arasynda kelisim­shart jasalady. Bul sharýa tús­ke deıin sheshimin tabady. Istiń bu­lardyń paıdasyna qaraı jyljy­ǵa­nyn estigen B.Myńjanov ardager atasy arqyly alǵan jer teli­mine turǵyzǵan úıdi satyp, eki ból­me­li páter alatyndyǵyna al­ǵash­qy­d­a, shyny kerek, qýanady. Sosyn balalary kúni erteń jaıly pá­ter­ge qonystanýǵa shyǵatyn bolǵan­dyqtan, olarǵa ózderi satqan úıdiń aldyndaǵy saraıdy ýaqytsha pana­laı turyńdar dep keńes beredi. Al B.Myńjanovtyń ózi bolsa, ýa­qytsha ǵoı dep, páter jaldap shy­ǵyp ketedi. Bar másele osy úıdi tez­detip satýda bolyp tur eken. Oqı­ǵa­nyń ári qaraı óris alýy týra bir kınodaǵydaı dersiz. О́ıtkeni, V.Muqanova túske deıin B.Myńjanovtan úıin satyp aly­symen, sol kúni tús aýa álgi úı­di jer telimimen qosa Pıkanov de­gen aza­matqa asyǵys túrde satyp ji­be­redi. Keıin anyqtalǵandaı, 21 600 009 teńgege baǵalaǵan, ıaǵnı osy baǵaǵa satamyn degen úıdi ol bar bolǵany 7 200 000 teńgege satyp jibergen. Shyn máninde ol B.Myńjanovpen mundaı baǵaǵa kelispegeni anyq, óıtkeni, oǵan eki bólmeli páter men qalǵan qo­maq­­ty aqshany qaıtaryp berýi kerek edi. Al myna úıdi satýǵa bul ba­­ǵa­­ǵa kimmen keliskeni belgisiz. Ne ke­­rek, V.Muqanova túske deıin sa­typ alǵan bolsa, sol kúni tús aýa Pı­­kanov ke­lip, úı meniki dep Myń­janovqa zirkil­deıdi. Arada kóp ýa­qyt ótpeı jatyp, Pı­kanov úıdi endi Ivanov degenge sa­typ jibergeni belgili bolady. Bul kez­­de B.Myńjanovtyń uly Medet Myń­janov jas bosanǵan áıelimen úı aldyndaǵy saraıdy ýaqytsha pa­nalap turyp jatqan bolatyn. О́ıt­keni, basqa barar jerleri joq, pá­ter jaldaýǵa qarjy joq degendeı, bú­gin-erteń berilip qalatyn V.Mu­qanova­nyń úıin kútip amalsyz turyp qalǵan. Alaıda, áne-mine beriledi degen baspananyń biter túri kórinbeıdi. Ýaqyt zýlap ótip jatyr. Bir kezde aldynda Pıkanovtan úıdi satyp alǵan Ivanovtyń ornyna, endi bir kúni úıdi men satyp aldym dep Qarabaeva degen jetip keledi. Sóıtip, B.Myńjanovtyń qaıran úıi beıne bir sıqyrshynyń qolyna tıgendeı, bas aınaldyrǵan shapshańdyqpen birneshe adamǵa satylyp ketedi. Tipti, B.Myńjanov úıdiń aqshasyn kimnen suraryn bilmeı qalady. San soǵyp sandalý bastalady. Al bul kezde onyń uly Medet Myńjanovtyń kórgen taýqymetin aıtyp jetkizý múmkin emes edi. Úıdi satqan kúni-aq keshkisin belgisiz bireýler topyrlap tolady. Araq ishý, bylapyt sózder aıtý, urys, tóbeles bastalǵan sol sátten. Medet bolsa kúnde ju­mys isteıdi. Jańa bosanǵan jas ke­lin­shegin úıde jalǵyz qaldyra al­maıdy. Saraıdy ýaqytsha panalap jatqan oǵan kúnde erteńgisin jas kelinshegin besiktegi sábıimen alyp ata-anasynyń úıine aparýyna týra keledi. Keshte jumystan qaıtarda kelinshegin sábıimen qaıta saraıǵa alyp keledi. Jumysy qalanyń bir shetinde, áıeliniń ata-anasy qalanyń ekinshi shetinde, al satyl­ǵan, ıaǵnı burynǵy óz úıiniń saraıy úshinshi bir jaqta. Medet osynaý qıyndyqqa amal joq kónedi. Biraq jas balamen áıeli oǵan kónsin be. Ata-enesi qyzy men nemeresin qolyna alady. Ne úıiń joq, ne kúıiń joq, bul ne júris, ne sandalys dep namysqa tıer sózderdi estıdi. Turmystyq kúıiniń ketigi ketken soń jumysy da júrmeı, qyzmetten bosap qalady. Úıden aıyrylý, jumystan shyǵý, otbasyndaǵy kıkil­jiń jyǵylǵan ústine judyryq bolyp tıedi. Sóıtkenshe bolmaıdy, aýyrtpa­lyqqa shydamaǵan ákesi de áıeli­men, ıaǵnı munyń ógeı sheshe­sinen ajyrasady. Arada urys-keris týyndaıdy. Ákesi, eki uly áp-sátte qańǵyryp dalada qalady. Keshe ǵana bulardyń árqaısysynyń óz otbasy, bala-shaǵasy, tatý-tátti ómiri, óz qyzyǵy men shyjyǵy qaınap jatqan otbasy dep endi kim aıta alady? Kim senedi? Áne-mine toı jasaımyz dep júrgen Medettiń aǵasynyń da kúıi buzylady. Ár kirpishin óz qol­darymen qalaǵan, keremet etip salǵan úılerin bireýge aldanyp, óz qoldarymen bere salǵandaryna, endi qańǵyryp syrtynan telmirip júrgenderine shydaı almaıdy. Basqa jaqtan páter jaldap kóship keteıin dese, ishtegi bir kúdik jibermeıdi. О́z qolymen turǵyzǵan úıin ógeı sheshesi bolmaı satyp jiberse de, aıyrylǵysy joq. Sóıtse, qaıran júrek aldamaǵan eken. Medetke V.Muqanova men ógeı sheshesi bir nárseni bútindelmesteı etip búl­dirgendeı kórinedi. Budan keıin B.Myńjanov es jıyp, úıdi qaıtarý qamyn oılaıdy. Sodan shyryldap V.Muqanovany izdeıdi. Ol taptyra qoımaıdy. Bas­tal­ǵan bes qabatty úı qańyraǵan qarashadaı qalqaıyp, qazylǵan qazań shuńqyrlarǵa tolǵan sý ortasynda qalypty. Bul mańaıǵa kúnde qaptap adamdar keledi. Kezinde bir alaıaqtyq istiń bastalǵanyn bildirgendeı moıyndary soraıyp qalqaıǵan bir eski krandar tur. Jumysshy da, kúzetshi de joq. Tym-tyrys óli tynyshtyq. Sóıtse V.Muqanova degen oıdan-qyrdan qujattardy jınap, úı turǵyzam dep jumysshylardy jaldap, qaǵylǵan-soǵylǵan tehnıka­lar­dy súırep ákep qoıypty. Ol óziniń qurylys kom­panııasyn zańdy nómirmen tirket­ken. Sóıtip, óziniń JShS basqa taǵy bir JShS-niń jeke sharýa­shylyǵyn júrgizip, bankten esepshot ashypty. Sodan qurylysyn ózi bastaǵan bes qabatty úıge úlesker bolyńdar dep talaı salymshylardyń qar­jysyn jıypty. Árıne, altyn kórse perishte de joldan taıady de­gendeı, jappaı alyp, jep jat­qan ózgeler sekildi alaıaqtyq isim bilinbeı qalady dep oılady ma eken, áıteýir úı turǵyzýdan góri úleskerlerdiń óz qoldarymen ákep, ózderi sanap beretin qyp-qyzyl aqshasyna qyzyǵypty. Muny B.Myńjanov sekildi kóp­­tegen adamdar qaıdan bilsin. Tár­tipke, zańǵa sengen kúıi júre ber­gen. Sóıtse, V.Muqanovanyń bes qa­bat­ty jaıly páterli úı tur­ǵy­­zýǵa tip­ten ruqsaty bolmaǵan kóri­nedi. Ol ózgeler de ruqsatsyz úı salyp jat­qanda maǵan da bir jóni bolýy múm­kin dep oılasa kerek, áıteýir ǵımarat turǵyzý isinde asyra siltep jiberipti. Oǵan sonaý 2006 jyly As­qarov degen azamat 10 sotyq jer teliminiń úı salýǵa arnalǵan mem­lekettik aktisin bergen. Oǵan qosa osy telimge kottedj salý­ǵa ǵana senim hat tirkepti. Al V.Muqanova bol­sa qyza-qyza kel­gende anaý-mynaý emes, bir kot­tedjdiń ornyna bes qa­bat­ty úıdi turǵyzýdy jón kóripti. Bul úı turǵyzyla ma, joq pa, ony ol kezde V.Muqanovanyń ózi de bilmese kerek. Aqyry B.Myńjanov óziniń úıi satylyp ketip, artynsha bir emes, birneshe qojaıyn ózgergende ǵa­na shoshıyn deıdi. V.Muqanovadan se­kem alǵan kúdigi rasqa shyǵady. Ol bir páterdi birneshe adamǵa qaı­ta­ra satypty. Sóıtip, aldanǵan adam­dardyń aqshasyn qaltasyna basa bergen. Endi ony qansha izdese de taba almaıdy. Is bitip, qý ketti degen osy, úı de joq, aqsha da joq, bas su­ǵa­tyn baspana da joq. Aqyry ba­ryp, sotqa júginedi. Sóıtse, sen­gen qoıym sen bolsań degendeı, V.Muqanovany tek jalǵyz bul emes qyryq shaqty otbasy jaryq kúnde qoldaryna sham alyp izdep júr eken. V.Muqanova jáne onyń qyzynyń ústinen qylmystyq is qozǵalypty. Ony B.Myńjanov sekildiler qaıdan bilsin, V.Muqanovanyń sońǵy saǵaty soqqanǵa deıin tirnektep jıǵan aqshalaryn ýysyna ákelip ustata beripti. Ar jaǵy belgili: V.Muqanova men onyń qyzy bankke túsken bul aqshalardy sýdaı sapyryp, óz paıdalaryna jaratqan. Pálenbaı mıllıon AQSh dollaryn qaltasyna basqan olar elordalyqtyń bul kez­de áli túsine de enip kórmegen záý­lim kottedj turǵyzyp, astaryna ár­qaısysy sheteldik eń qymbat ta júrdek kólikterdi minip, túk bol­mas­taı júre beripti. Kókelerine sengen ǵoı. Al syn sátte ol «kóke­leri­niń» de jalt bererin bilmegen syńaıly. О́ıtkeni, ol bireýlerge senim artpasa mundaı soraqylyqtardy jasaý múmkin de emes, jalǵyzdyń qolynan da kelmeıdi. Máselen, sońǵy satyp alýshy Qarabaeva al­dyndaǵylardaı emes, Myńjanov­tar­dyń aınalshyqtap ketpeýlerinen ózinshe saqtyq tanytsa kerek, úıdi bankke 15 jylǵa 61000 AQSh dollaryna kepildikke salyp tastaıdy. Al negizinde Medet Myńjanovtyń suraý salýy boıynsha, bul bank turǵyn úı shpaldan, samannan turǵyzylǵan bolsa kepildikke al­maı­myz, nesıe berilmeıdi degendi aıtady. Endeshe, Myńjanovtardyń shpaldan salynǵan úılerin bank qalaısha kepildikke alyp, ıpotekaǵa kelisimshart jasalǵan? Osylaısha, V.Muqanovanyń bastapqy is-áreketi, aılaly-amaldary kúdikten kúdik týǵyza beredi. Sodan Myńjanovtar sottan sotqa júginedi. Birinshi sot, ekinshi sot, úshinshi sot, tórtinshi sot... Ne kerek, sottan sot bitpeıdi. Endi qaıtpek, jalǵyz qalǵan úmit sotta ǵana. Biraq Myńjanovtar úıi bir emes, birneshe ret satylyp ketti, ár satqan adam aqshasyn alyp ketti. Qaıda ketti, eshkim bilmeıdi. Onyń ústine bankke de kepildikke salyndy. Bári zańdy sekildi. Myńjanovtar tárizdi talaı adamdar zar eńirep júr, bireýlerdiki tipten qıyn: isherge as, tigerge tuıaq qalmaǵan. Bulardy aldap soqqandar aldadyq demeıdi. Kásippen aınalysyp, amal istedik deıdi. Qoǵam kináli, ýaqyt solaı deıdi. Al shynynda kim kináli? Úıdi sońǵy satyp alýshy Qara­baeva ony bankke kepildikke qoıǵan soń, úıge de, onyń aldyndaǵy saraıǵa da páter jaldap turýshylardy ji­ber­gen. Olar kezindegi ádemi úıdiń árin ketiredi. Bes jyl boıyna kom­mýnaldyq qaryzdar men jer salyǵy tólenbeıdi. Bankke qoıylǵandyqtan úıge tyıym salynady. Oǵan endi kýálandyratyn jeke qujat ta, mekenjaı aty da berilmeıdi jáne memlekettik tirkeýge alynbaıdy. Sóıtip, úıdiń burynǵy ataýlary jo­ıy­lady. Bul endi taǵy da jy­ǵyl­­­ǵan ústine judyryq bolyp jum­­sa­lady. Myńjanovtar sekildi birneshe adam osyndaı aramdyqtyń qurbanyna ushyrady-aý dep eshkim nazar aýdarmaıdy. Aýdarý túgil barlyq mekeme at-tonyn ala qasha­dy. Biraq Myńjanov sottyń ar­ty­nan qalmaıdy. Adamdy ád­il­dikke bir jetkizse, sot qana jetkizetinin túsinedi. Alaıda, úıdi qaıtarý múmkin emesteı kórinedi. Al úmit úzý B.Myńjanov úshin ómirden de qol úzý bolatyn. О́ıtkeni, bala-shaǵasyn, nemerelerin bárin aıdyn-kúnniń amanynda qańǵyrtyp tasta­dy ǵoı. О́ziniń de ózegi taldy. Aqy­ry aýyr salmaqty kótere almaı júrek talmasy ustap, aýrý­hanaǵa tústi. Ne úı joq, ne kúı joq, otbasynyń shyrqy buzylyp, áıelimen ajyrasyp, balalary da tentirep, endi ózine de bir adym attaý muńǵa aınalǵanda, o dúnıeniń de esigi kóringendeı boldy. Biraq Qudaıdyń qudireti degen sol ǵoı, bul ómirde ádildik áli bar eken. Isti besinshi qaraǵan sottyń beti beri qarady-aý aqyry. Sodan keıin ile-shala altynshy, jetinshi sot boldy. Myńjanovtardyń tilegin berdi. Sot olardy alaıaqtardyń aldap urǵanyn anyqtap, bulardyń óz úılerine quqyqtary bar ekenin taıǵa tańba basqandaı qylyp sheshim shyǵaryp berdi. «O, ómir-aı! – dedi sosyn B.Myńjanov. – O dúnıe esiginiń aldynan qaıtardyń-aý, áıteýir». Osylaı dep kóz jasyn balalaryna kórsetpeı bir syǵyp aldy. Biraq bul alaıaqtar salǵan sergeldeńniń basyn ǵana qaıtarý bolatyn. Sot sheshim shyǵarǵanmen úıdi zańdy túrde Myńjanovtar atyna aýdarýda taǵy da aldan alynbas qamal shyqty. Úı bankte areste tur, ıaǵnı tyıym salynǵan. Úıdiń tehnıkalyq pasportyn, memlekettik akt alý múmkin emes. Tıisti mekemeler esigi túgili, tesiginen de jolatpaıdy. Úıdi tirkete almaǵandyqtan, B.Myń­janovtyń mektepke bara­tyn nemeresi de tirkeýde joq. Úı­ge tyıym salynǵany týraly jeti birdeı sot oryndaýshysy qaý­ly shyǵarǵan. Sol jeti birdeı qaý­ly­­nyń kúshi joıylsa ǵana, úı ty­ıymnan alynyp, tolyqqandy qujat jasaý múmkindigi týar edi deıdi Medet Myńjanov. Biraq ol ázirge arman ǵana sekildi. Bir qyzyǵy, satylǵan úıdiń bes jylǵy alym-salyǵy, kommýnaldyq qyzmet túrleriniń, sý, jaryq, jylý, ıaǵnı barlyq kórsetilgen qyzmet túr­leri­niń aqshasy Myńjanovtyń atyna jazyla beripti. Bul qyzmet túrlerine ýaqytynda tólemedińder dep salynǵan aıyppul quny shash-etekten. Sonyń bárin Myńjanovtar qaıtadan tólep jatyr. V.Muqanova 8 jylǵa, qyzy 7 jylǵa sottalyp ketti. Alar aqshasyn alǵan Pı­kanov, Ivanov, Qarabaevalar sottyń esiginen de qaramady. Endi Myńjanovqa ne isteý kerek? Túsi­niksiz, deıdi redaksııaǵa aryz­dana kelgen Myńjanovtar. Árıne, nebir alaıaqtar týraly az aıtylyp jatqan joq qoı. Mun­daı­lardy adamgershiligi, adal­dy­ǵy bar dep esepteý artyq shyǵar. О́ıtkeni, bireýdiń nesibesin tartyp alý arqy­ly ony óziniń qaraqan basynyń ǵana bas paıdasyna jaratýy, rasy kerek, keıin kameralas bolǵan qyl­mys­kerlerdiń ózin seskendirip tas­tap­ty. Sondyqtan mundaı adam­nyń búldirgen isin qaıta qalpyna kel­tirý de ońaı bolmaı jatyr. Tipti, ony aqyr aıaǵynda sottaǵanmen, sal­ǵan lańynan artynda qaqsap qalǵan jurttyń zaryn joıyp, joǵyn bútindeý áli kúnge múmkin emes kóri­nedi. Múmkin bolýy da áli neǵaıbyl. Sondyqtan atalǵan JShS dırektory da joǵarydaǵy «kókelerine» úmit artyp, alda-jal­da qıyn-qystaý kún týsa aman-esen qutylyp, sútten aq, sýdan taza bolamyn dep sengen sekildi. Tek úmiti úzilip, senimi qurǵyr sel­­keý tartqanda ǵana jantalasa «kókelerin» izdegen kórinedi. Al bastapqyda urlanǵan aqshany qyldaı bólisken sol «kókeleri» keıin baıtal túgil bas qaıǵy de­gen­­deı, at quıryǵyn úzisip, osy toı­ǵan­darymyz da jetedi degendeı bu­ǵyp qalypty. Tek Myńjanov se­kil­di ondaǵan adam ǵana aıdyn-kún­niń amanynda bala-shaǵasymen turǵyzǵan baspanalarynan aıy­ry­lyp tyndy. О́mir – aına. Sol aı­na­dan myna qoǵamymyzda ne bo­lyp, ne qoıyp jatqandyǵyn kó­rip otyrmyz. Kim biledi, mundaı oqı­ǵalardyń nebir túrleri dál qa­zir jańadan bastaý alyp jatqan shy­ǵar nemese bolyp ta jatyr jáne aldaǵy ýaqytta jalǵasyn taba be­re­tin de shyǵar. О́ıtkeni, osyndaı zań­syzdyqtarǵa dem beretin sh­e­neý­niksymaqtar kezdesedi deıdi jurt. Aleksandr TASBOLATOV, «Egemen Qazaqstan». ASTANA. Kollajdy jasaǵan Amangeldi Qııas.