«2011 jylǵy 19 jeltoqsandaǵy Keden odaǵynyń kedendik shekarasy arqyly qolma-qol aqsha qarajatyn jáne (nemese) aqsha quraldaryn ótkizý kezinde qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly shartqa ózgerister engizý týraly hattamany ratıfıkasııalaý týraly» birinshi zań jobasy shart erejelerin júzege asyrýǵa jáne ony EAEO aıasyndaǵy basqa da salalyq sharttarmen sáıkestendirýdi kózdeıdi.
Qujat osy saladaǵy Eýrazııalyq ekonomıkalyq odaqqa múshe elderdiń ózara is-qımyl tetikterin jetildirýge múmkindik beredi dep kútilýde.
«Eýrazııalyq ekonomıkalyq odaqtyń kedendik shekarasy arqyly qolma-qol aqsha qarajatyn jáne (nemese) aqsha quraldaryn ótkizý kezinde qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl salasynda aqparat almasý týraly kelisimdi ratıfıkasııalaý týraly» zań jobasy óz kezeginde, EAEO-ǵa múshe memleketterdiń shekarasy arqyly adamdardyń aqshalaı qarajatynyń qozǵalysy boıynsha aqparattyq ózara is-qımyldy kúsheıtýge baǵyttalǵan.
Zań jobasy kedendik deklarasııada kórsetilgen aqshany nemese aqsha quraldaryn ótkizetin jeke tulǵalar týraly aqparat almasýǵa múmkindik beredi. Sonymen qatar bul Kapıtaldyń zańsyz áketilýine jol bermeý týraly shartqa qatysýshylarǵa qoıylatyn biryńǵaı talaptardy jáne oǵan qarsy is-qımyl tetikterin anyqtaýǵa, sondaı-aq EAEO elderinde kapıtaldy zańsyz shyǵarýdyń aldyn alý boıynsha jumysty kúsheıtýge kómektesedi.
Komıtet músheleri talqylaý qorytyndysy boıynsha zań jobasyn Palata otyrysynyń qaraýyna jiberý týraly sheshim qabyldady.
