«Qarasora 2022» profılaktıkalyq is-sharasy barysynda Qostanaı aýdany, Tobyl kentindegi esirtki qylmysyna qarsy kúres basqarmasynyń qyzmetkerleri 37 jastaǵy azamatty ustady. Jeke tintý kezinde onyń kúrteshesiniń tós qaltasynan jalpy salmaǵy 17,5 gramm bolatyn jasyl untaqty zaty bar úsh plastıkalyq baılamdar tárkiledi. Turǵylyqty jerin tintý kezinde garajdan salmaǵy 189,2 gramm bolatyn esirtkige uqsas zat tabyldy», dep habarlady oblystyq polısııanyń baspasóz qyzmetinen.
Saraptama qorytyndysyna sáıkes, zat gashısh bolyp shyqty. Atalǵan fakti boıynsha sotqa deıingi tergeý bastaldy.
Vedomstvonyń málimetinshe, jyl basynan beri zańsyz aınalymnan 176 keli 870 gramm túrli esirtki, onyń ishinde 555 grammnan astam geroın, 18 keli 486 gramm gashısh, 851 grammnan astam sıntetıkalyq esirtki tárkilendi.
