Qazaq qarty jasyna laıyq aýzy dýaly, sózi ýáli, isi berekeli, aqyly keregedeı keń bolyp keledi. Osyndaı ulaǵatty da mándi sózderimen Qala kúnine jáne 1 qazan – Halyqaralyq qarttar kúnine oraı Taraz qalalyq ákimdiginiń qoldaýymen, qalalyq ardagerler keńesiniń uıymdastyrýymen jyldaǵy qalyptasqan dástúr boıynsha «Men ájemin urpaǵyn áldılegen» atty ájeler saıysy úlken belsendilikpen ótti.
Saıysqa qatysqan bes ájeniń barlyǵy da úlken jaýapkershilikpen, daıarlyqpen kelgendikterin pash etip, kórermenderdiń rızashylyǵyna bólendi. Iаǵnı apa-ájelerimizdiń qolynan kelmeıtin is joq eken. Olar án men jyrdan ǵana emes, qol ónerimen de birinen biri asyp túsip, kózdiń jaýyn alǵan kesteli oramaldaryn, quraq kórpelerin, zermen kómkerilgen mamyq kópshikteri men toqyma kıim-keshekterin, t.b. buıymdaryn jurtshylyq nazaryna usyndy. Buǵan qosa, qazirgi qoǵamdaǵy ózekti máseleler jaıly oı-pikirleri de jınalǵan kópshiliktiń kóńilinen shyqty.
Qorytyndysynda Iаkýl Shýaq kórermen kózaıymyna aınalǵan «Súıkimdi áje», Názıpa Sadyqova syny ketpegen, ónege alatyn «Inabatty áje», Aınur Núkisbaeva besik jyryn tógetin «О́nerli áje», Ǵalymhan Qusaıynova úıretýden jalyqpaǵan «Parasatty áje», Gúlmıra Qarabaeva meıirimin tókken «Meıirimdi áje» dep tanylyp, barlyǵy da ortaq jeńiske qol jetkizdi.
Baıqaýdy qorytyndylaǵan Taraz qalalyq ardagerler keńesiniń tóraıymy Kúlásh Ábdikeshova saıysqa qatysqan aıaýly ájelerge syı-sııapat jasady.
Aldaberdi MAQAShEV,
Taraz qalalyq ardagerler keńesiniń múshesi
Jambyl oblysy
